شىمكەنتتە ەنشٸ قايرات نۇرتاستىڭ كونتسەرتٸ كەزٸندە بولعان ادامداردىڭ قىسىلىپ قالۋ وقيعاسىنا بايلانىستى ۇيىمداستىرۋشى ۇستالدى. وعان قاتىستى قىلمىستىق ٸس بويىنشا تەرگەۋ جٷرگٸزٸلٸپ جاتىر, دەپ حابارلايدى ult.kz.

پوليتسييانىڭ الدىن الا مەلٸمەتٸنشە, كونتسەرتكە ساتىلعان بيلەتتەر سانى الاڭنىڭ بەلگٸلەنگەن سىيىمدىلىعىنان ەدەۋٸر كٶپ بولعان. سونىڭ سالدارىنان كٶرەرمەندەر شامادان تىس جينالىپ, ادامداردىڭ قاۋٸپسٸزدٸگٸنە قاتەر تٶنگەن.

وقيعا كەزٸندە 18 جاستاعى بويجەتكەن زارداپ شەگٸپ, اۋرۋحاناعا جەتكٸزٸلگەن.

قۇقىق قورعاۋ ورگاندارى كونتسەرتتٸ ۇيىمداستىرعان 1984 جىلى تۋعان ل. ەسٸمدٸ ازاماتتىڭ ۇستالىپ, ۋاقىتشا ۇستاۋ يزولياتورىنا قامالعانىن مەلٸمدەدٸ.

سونىمەن قاتار پوليتسييا ەلەۋمەتتٸك جەلٸلەردە تاراعان ادام ٶلٸمٸ تۋرالى اقپاراتتى جوققا شىعاردى. رەسمي مەلٸمەت بويىنشا, وقيعا سالدارىنان قازا تاپقاندار جوق.

قازٸرگٸ ۋاقىتتا وقيعانىڭ بارلىق مەن-جايىن انىقتاۋ ٷشٸن تەرگەۋ امالدارى جٷرگٸزٸلٸپ جاتىر. قىلمىستىق ٸستٸڭ بارىسى شىمكەنت قالاسى پوليتسييا دەپارتامەنتٸ باسشىلىعىنىڭ باقىلاۋىنا الىنعان.

ايتا كەتەيٸك, قايرات نۇرتاستىڭ شىمكەنتتەگٸ كونتسەرتٸنەن كەيٸن قىلمىستىق ٸس تٸركەلدٸ.

قايرات نۇرتاس كٸم?

قايرات نۇرتاس – قازاقستاندىق تانىمال ەسترادا ەنشٸسٸ, اكتەر ەرٸ پروديۋسەر. ول 1989 جىلى 25 اقپاندا تٷركٸستان قالاسىندا دٷنيەگە كەلگەن.

ٶنەر جولىن جاس كەزٸنەن باستاعان ەنشٸ “ارمان”, “اۋىرمايدى جٷرەك”, “شىدا جٷرەك”, “الماتى تٷنٸ” جەنە باسقا دا ەندەرٸ ارقىلى كٶپشٸلٸككە تانىلدى. ونىڭ شىعارماشىلىعىندا ماحاببات, ساعىنىش جەنە وتباسى تاقىرىپتارى كەڭٸنەن ورىن العان.

قايرات نۇرتاس ەنشٸلٸكپەن قاتار كينو سالاسىندا دا ٶزٸن تانىتىپ, “ٶكٸنٸش” جەنە “ارمان” فيلمدەرٸنە تٷسكەن. اناسى گٷلزيرا ايداربەكوۆا ۇزاق جىلدار بويى ونىڭ پروديۋسەرٸ بولىپ كەلەدٸ.

2008 جىلى الماتىداعى رەسپۋبليكا سارايىندا العاشقى جەكە كونتسەرتٸن ٶتكٸزگەن. سودان بەرٸ قازاق ەستراداسىنداعى تانىمال ورىنداۋشىلاردىڭ بٸرٸنە اينالدى.