Jol-patrýldik politsiia qyzmetkerlerimen birge ákimshilik quqyqbuzýshylyq boiynsha hattamalardy elektrondy formatta toltyratyn planshetter kólik komitetiniń qyzmetkerlerine de berilýde.
Bul týraly OKQ-da ótken baspasóz máslihatynda Bas quqyqtyq statistika jáne arnaiy esepke alý jónindegi komiteti tóraǵasynyń orynbasary Baǵlan Bekbaev málim etti, dep habarlaidy QazAqparat.
«Bárimiz de jol erejelerin saqtaý máselelerimen, aiyppul arqalaý jaǵdailarymen betpe-bet kelip jatamyz. Sol sebepti, biz dál osy jumysty Ishki ister ministrligimen birlesip, jol-patrýldik politsiia qyzmeti jelisi boiynsha bastadyq. Qazirgi tańda joba tolyǵymen júzege asyrylyp, Ishki ister ministrliginiń barlyq qurylymdyq bólimshelerine engizildi. Qazirgi tańda jol-patrýldik qyzmetiniń 7 myń qyzmetkeri mamandandyrylǵan planshetti ustap, jumys atqarýda. Olar hattamalardy elektrondy formada toltyryp jatyr», - dedi Baǵlan Bekbaev.
Quzyrly organ ókiliniń aitýynsha, kezeń-kezeń boiynsha basqa da memlekettik organ qyzmetkerleriniń qolyna planshet berilmek.
«Biz jaqynda kólik inspektsiiasyn da osy jobaǵa qostyq. Kólik komitetiniń 200 inspektory búgingi tańda ákimshilik quqyqbuzýshylyqtardy elektrondy formada toltyrýda. Biyl 1,5 mln ákimshilik quqyqbuzýshylyq elektrondy formatta toltyryldy», - dedi Baǵlan Bekbaev.
