جول-پاترۋلدٸك پوليتسييا قىزمەتكەرلەرٸمەن بٸرگە ەكٸمشٸلٸك قۇقىقبۇزۋشىلىق بويىنشا حاتتامالاردى ەلەكتروندى فورماتتا تولتىراتىن پلانشەتتەر كٶلٸك كوميتەتٸنٸڭ قىزمەتكەرلەرٸنە دە بەرٸلۋدە.
بۇل تۋرالى وكق-دا ٶتكەن باسپاسٶز مەسليحاتىندا باس قۇقىقتىق ستاتيستيكا جەنە ارنايى ەسەپكە الۋ جٶنٸندەگٸ كوميتەتٸ تٶراعاسىنىڭ ورىنباسارى باعلان بەكباەۆ مەلٸم ەتتٸ, دەپ حابارلايدى قازاقپارات.
«بەرٸمٸز دە جول ەرەجەلەرٸن ساقتاۋ مەسەلەلەرٸمەن, ايىپپۇل ارقالاۋ جاعدايلارىمەن بەتپە-بەت كەلٸپ جاتامىز. سول سەبەپتٸ, بٸز دەل وسى جۇمىستى ٸشكٸ ٸستەر مينيسترلٸگٸمەن بٸرلەسٸپ, جول-پاترۋلدٸك پوليتسييا قىزمەتٸ جەلٸسٸ بويىنشا باستادىق. قازٸرگٸ تاڭدا جوبا تولىعىمەن جٷزەگە اسىرىلىپ, ٸشكٸ ٸستەر مينيسترلٸگٸنٸڭ بارلىق قۇرىلىمدىق بٶلٸمشەلەرٸنە ەنگٸزٸلدٸ. قازٸرگٸ تاڭدا جول-پاترۋلدٸك قىزمەتٸنٸڭ 7 مىڭ قىزمەتكەرٸ مامانداندىرىلعان پلانشەتتٸ ۇستاپ, جۇمىس اتقارۋدا. ولار حاتتامالاردى ەلەكتروندى فورمادا تولتىرىپ جاتىر», - دەدٸ باعلان بەكباەۆ.
قۇزىرلى ورگان ٶكٸلٸنٸڭ ايتۋىنشا, كەزەڭ-كەزەڭ بويىنشا باسقا دا مەملەكەتتٸك ورگان قىزمەتكەرلەرٸنٸڭ قولىنا پلانشەت بەرٸلمەك.
«بٸز جاقىندا كٶلٸك ينسپەكتسيياسىن دا وسى جوباعا قوستىق. كٶلٸك كوميتەتٸنٸڭ 200 ينسپەكتورى بٷگٸنگٸ تاڭدا ەكٸمشٸلٸك قۇقىقبۇزۋشىلىقتاردى ەلەكتروندى فورمادا تولتىرۋدا. بيىل 1,5 ملن ەكٸمشٸلٸك قۇقىقبۇزۋشىلىق ەلەكتروندى فورماتتا تولتىرىلدى», - دەدٸ باعلان بەكباەۆ.
