Qazaqstanda eldi damytýdyń 2025 jylǵa deiingi ulttyq jospary daiyndalady. Bul jóninde Aqordada Memleket basshysy Qasym-Jomart Toqaevtyń tóraǵalyǵymen Reformalar jónindegi Joǵary keńestiń úshinshi otyrysynda aityldy, dep habarlaidy "Ult aqparat".
Jańartylǵan memlekettik josparlaý júiesi baǵdarlamalyq qujattardyń neǵurlym ikemdi arhitektýrasyn quryp, strategiialyq jáne biýdjettik josparlaýdyń ózara bailanysyn arttyryp, memlekettik organdar men uiymdar basshylarynyń tikelei jaýapkershiligin naqty bekitýge tiis.
Aqordada ótken jiynda álemdegi jetekshi memleketterdiń birine ainalý úshin eldi odan ary damytýdyń úsh negizgi baǵytyn anyqtaý usynyldy. Olar: institýttardyń sapasy, azamattardyń ál-aýqaty jáne qýatty ekonomika.
Bul rette orta merzimdi kezeńge arnalǵan mindetterdi aiqyndaityn negizgi qujat – eldi damytýdyń 2025 jylǵa deiingi ulttyq jospary bolady. Onda mańyzdy salalardy damytýdaǵy kózqaras, negizgi saiasatty jetildirý jónindegi baǵyttar kórsetiledi.
Ulttyq jobalar qyzmettegi jáne saladaǵy belgili bir baǵyttardyń negizgi máselelerin sheshýge baǵyttalady. Olar barynsha salalyq bolýǵa tiis. Belgili bir merzimde naqty nátije alýǵa baǵyttalyp, tolyǵymen qarjylandyrylýy kerek.
Qazirgi ýaqytta tsifrlandyrý, agroónerkásiptik keshendi damytý, kásipkerlik, básekelestik, qorshaǵan ortany qorǵaý jáne basqa da baǵyttaǵy jobalardy ázirleý jumystary júrgizilýde. Bul qujattar osy jyldyń 1 shildesinen keshiktirilmei ázirlenip, bekitilýi kerek.
Qasym-Jomart Toqaev salalyq máselelerdi talqylaýǵa bilikti sarapshylardyń belsendi qatysýyn qamtamasyz etýdi tapsyrdy. Al eger asa mańyzdy qoǵamdyq múddeler qozǵalar bolsa, onda azamattardy bul máselege barynsha tartýdy júktedi.
.jpeg)