قازاقستاندا ەلدٸ دامىتۋدىڭ 2025 جىلعا دەيٸنگٸ ۇلتتىق جوسپارى دايىندالادى. بۇل جٶنٸندە اقوردادا مەملەكەت باسشىسى قاسىم-جومارت توقاەۆتىڭ تٶراعالىعىمەن رەفورمالار جٶنٸندەگٸ جوعارى كەڭەستٸڭ ٷشٸنشٸ وتىرىسىندا ايتىلدى, دەپ حابارلايدى "ۇلت اقپارات".
جاڭارتىلعان مەملەكەتتٸك جوسپارلاۋ جٷيەسٸ باعدارلامالىق قۇجاتتاردىڭ نەعۇرلىم يكەمدٸ ارحيتەكتۋراسىن قۇرىپ, ستراتەگييالىق جەنە بيۋدجەتتٸك جوسپارلاۋدىڭ ٶزارا بايلانىسىن ارتتىرىپ, مەملەكەتتٸك ورگاندار مەن ۇيىمدار باسشىلارىنىڭ تٸكەلەي جاۋاپكەرشٸلٸگٸن ناقتى بەكٸتۋگە تيٸس.
اقوردادا ٶتكەن جيىندا ەلەمدەگٸ جەتەكشٸ مەملەكەتتەردٸڭ بٸرٸنە اينالۋ ٷشٸن ەلدٸ ودان ارى دامىتۋدىڭ ٷش نەگٸزگٸ باعىتىن انىقتاۋ ۇسىنىلدى. ولار: ينستيتۋتتاردىڭ ساپاسى, ازاماتتاردىڭ ەل-اۋقاتى جەنە قۋاتتى ەكونوميكا.
بۇل رەتتە ورتا مەرزٸمدٸ كەزەڭگە ارنالعان مٸندەتتەردٸ ايقىندايتىن نەگٸزگٸ قۇجات – ەلدٸ دامىتۋدىڭ 2025 جىلعا دەيٸنگٸ ۇلتتىق جوسپارى بولادى. وندا ماڭىزدى سالالاردى دامىتۋداعى كٶزقاراس, نەگٸزگٸ ساياساتتى جەتٸلدٸرۋ جٶنٸندەگٸ باعىتتار كٶرسەتٸلەدٸ.
ۇلتتىق جوبالار قىزمەتتەگٸ جەنە سالاداعى بەلگٸلٸ بٸر باعىتتاردىڭ نەگٸزگٸ مەسەلەلەرٸن شەشۋگە باعىتتالادى. ولار بارىنشا سالالىق بولۋعا تيٸس. بەلگٸلٸ بٸر مەرزٸمدە ناقتى نەتيجە الۋعا باعىتتالىپ, تولىعىمەن قارجىلاندىرىلۋى كەرەك.
قازٸرگٸ ۋاقىتتا تسيفرلاندىرۋ, اگروٶنەركەسٸپتٸك كەشەندٸ دامىتۋ, كەسٸپكەرلٸك, بەسەكەلەستٸك, قورشاعان ورتانى قورعاۋ جەنە باسقا دا باعىتتاعى جوبالاردى ەزٸرلەۋ جۇمىستارى جٷرگٸزٸلۋدە. بۇل قۇجاتتار وسى جىلدىڭ 1 شٸلدەسٸنەن كەشٸكتٸرٸلمەي ەزٸرلەنٸپ, بەكٸتٸلۋٸ كەرەك.
قاسىم-جومارت توقاەۆ سالالىق مەسەلەلەردٸ تالقىلاۋعا بٸلٸكتٸ ساراپشىلاردىڭ بەلسەندٸ قاتىسۋىن قامتاماسىز ەتۋدٸ تاپسىردى. ال ەگەر اسا ماڭىزدى قوعامدىق مٷددەلەر قوزعالار بولسا, وندا ازاماتتاردى بۇل مەسەلەگە بارىنشا تارتۋدى جٷكتەدٸ.
.jpeg)