Foto:TJM
QR Tótenshe Jaǵdailar Ministrliginiń resmi ókili Asqar Shárip Respýblika boiynsha sý tasqyny jaǵdaiy qandai ekenin baiandady dep habarlaidy "Ult Aqparat".
"Atyraý oblysynyń Qulsary qalasynda, Soltústik Qazaqstan oblysynyń Petropavl qalasy men Qyzyljar aýdanynda sý basqan aýmaqtardan sý sorý jumystary táýlik boiy jalǵastyrylýda. Ózenderdegi sý deńgeiine monitorning júrgizilýde. Ótken táýlikte Qulsary qalasynda 192 766 tekshe metr sý soryldy. Búgin 6 saǵatta 75 úiden sý burylyp, sý soryldy. Ótken táýlikte Petropavl qalasy men Qyzyljar aýdanynda 91 180 tekshe metr sý soryldy. Jalpy sońǵy 5 kúnde sý basqan 907 úi men 134 aýla aýmaǵynan sý soryldy", -dep málimdedi Asqar Shárip.
Respýblika boiynsha 8 453 turǵyn úi men 2 994 aýla aýmaǵynan sýdyń baǵyty burylyp, sý soryldy. 48 998 adam óz úilerine oraldy. Apattyq-qutqarý jáne sý tasqynyna qarsy jumystarǵa 14 374 adam, 1 436 tehnika, 310 sý sorý quraly jáne 69 júzý quraly, 5 áýe kemesi jumyldyryldy.
