فوتو:تجم
قر تٶتەنشە جاعدايلار مينيسترلٸگٸنٸڭ رەسمي ٶكٸلٸ اسقار شەرٸپ رەسپۋبليكا بويىنشا سۋ تاسقىنى جاعدايى قانداي ەكەنٸن باياندادى دەپ حابارلايدى "ۇلت اقپارات".
"اتىراۋ وبلىسىنىڭ قۇلسارى قالاسىندا, سولتٷستٸك قازاقستان وبلىسىنىڭ پەتروپاۆل قالاسى مەن قىزىلجار اۋدانىندا سۋ باسقان اۋماقتاردان سۋ سورۋ جۇمىستارى تەۋلٸك بويى جالعاستىرىلۋدا. ٶزەندەردەگٸ سۋ دەڭگەيٸنە مونيتورنينگ جٷرگٸزٸلۋدە. ٶتكەن تەۋلٸكتە قۇلسارى قالاسىندا 192 766 تەكشە مەتر سۋ سورىلدى. بٷگٸن 6 ساعاتتا 75 ٷيدەن سۋ بۇرىلىپ, سۋ سورىلدى. ٶتكەن تەۋلٸكتە پەتروپاۆل قالاسى مەن قىزىلجار اۋدانىندا 91 180 تەكشە مەتر سۋ سورىلدى. جالپى سوڭعى 5 كٷندە سۋ باسقان 907 ٷي مەن 134 اۋلا اۋماعىنان سۋ سورىلدى", -دەپ مەلٸمدەدٸ اسقار شەرٸپ.
رەسپۋبليكا بويىنشا 8 453 تۇرعىن ٷي مەن 2 994 اۋلا اۋماعىنان سۋدىڭ باعىتى بۇرىلىپ, سۋ سورىلدى. 48 998 ادام ٶز ٷيلەرٸنە ورالدى. اپاتتىق-قۇتقارۋ جەنە سۋ تاسقىنىنا قارسى جۇمىستارعا 14 374 ادام, 1 436 تەحنيكا, 310 سۋ سورۋ قۇرالى جەنە 69 جٷزۋ قۇرالى, 5 ەۋە كەمەسٸ جۇمىلدىرىلدى.
