Energetika ministri Bolat Aqsholaqov Úkimet otyrysynda elektr qýatynyń shekti tarifin infliatsiia deńgeiinde indeksteýdi usyndy, dep habarlaidy QazAqparat.

«Qazirgi tańda eldegi elektr jelileriniń ortasha tozýy shamamen 66% quraidy. Bul rette Shyǵys Qazaqstan oblysynda 81% asyp ketti. Osyǵan bailanysty 2022 jyly 2021 jylmen salystyrǵanda tehnologiialyq buzýshylyqtar sany 183 jaǵdaiǵa jáne óndiristik jaraqat alý sany 7 jaǵdaiǵa ulǵaidy», - dedi Energetika ministri.

Osy oraida ministrlik jergilikti atqarýshy organdarǵa shuǵyl júielik sharalar qabyldaýdy usynyp otyr.

«Buryn bólingen jer ýchaskelerin injenerlik infraqurylymmen qamtamasyz etý kerek. Iesiz elektr jelilerin anyqtaý jáne olardy kommýnaldyq menshikke qabyldaý, quqyq belgileitin qujattardy resimdeý jáne osy obektilerdi energiia berýshi uiymdardyń teńgerimine odan ári berý jumysyn jandandyrý qajet», - dedi ministr.