ەنەرگەتيكا مينيسترٸ بولات اقشولاقوۆ ٷكٸمەت وتىرىسىندا ەلەكتر قۋاتىنىڭ شەكتٸ تاريفٸن ينفلياتسييا دەڭگەيٸندە يندەكستەۋدٸ ۇسىندى, دەپ حابارلايدى قازاقپارات.

«قازٸرگٸ تاڭدا ەلدەگٸ ەلەكتر جەلٸلەرٸنٸڭ ورتاشا توزۋى شامامەن 66% قۇرايدى. بۇل رەتتە شىعىس قازاقستان وبلىسىندا 81% اسىپ كەتتٸ. وسىعان بايلانىستى 2022 جىلى 2021 جىلمەن سالىستىرعاندا تەحنولوگييالىق بۇزۋشىلىقتار سانى 183 جاعدايعا جەنە ٶندٸرٸستٸك جاراقات الۋ سانى 7 جاعدايعا ۇلعايدى», - دەدٸ ەنەرگەتيكا مينيسترٸ.

وسى ورايدا مينيسترلٸك جەرگٸلٸكتٸ اتقارۋشى ورگاندارعا شۇعىل جٷيەلٸك شارالار قابىلداۋدى ۇسىنىپ وتىر.

«بۇرىن بٶلٸنگەن جەر ۋچاسكەلەرٸن ينجەنەرلٸك ينفراقۇرىلىممەن قامتاماسىز ەتۋ كەرەك. يەسٸز ەلەكتر جەلٸلەرٸن انىقتاۋ جەنە ولاردى كوممۋنالدىق مەنشٸككە قابىلداۋ, قۇقىق بەلگٸلەيتٸن قۇجاتتاردى رەسٸمدەۋ جەنە وسى وبەكتٸلەردٸ ەنەرگييا بەرۋشٸ ۇيىمداردىڭ تەڭگەرٸمٸنە ودان ەرٸ بەرۋ جۇمىسىن جانداندىرۋ قاجەت», - دەدٸ مينيستر.