«Qazaqstan avtobiznesi qaýymdastyǵy» zańdy tulǵalar birlestiginiń vitse-prezidenti Anar Maqasheva 4 paiyzdyq avtonesiege ótinim berýshilerdiń keibir markadaǵy kólikterdiń tapshylyǵy týraly shaǵymy qashan qanaǵattandyrylatynyn aitty, dep habarlaidy QazAqparat.
«Qazaqstanda ai saiyn 7 myń avtokólik óndiriledi. Iaǵni qazirgi kezeńde eldegi búkil avtosalondarda 7 myń kólik bar dep aitýǵa bolady», - degen qaýymdastyq ókili 4 paiyzdyq nesie alýshylardyń úlken suranysyn týyndatyp otyrǵan Hyundai markaly kólikterdiń óndirisi jyl ortasynan bastap kóbeietinin málim etti.
«Mysaly, Hyundai ókilderi shilde aiynan bastap ai saiyn 4 myńdai avtomobil qoljetimdi bolatynyn aityp otyr. 4 paiyzdyq avtonesie boiynsha alsaq, bir nesie alýshyǵa beriletin jalpy limit 10 mln teńge dep kózdelgen. «Ónerkásipti damytý qory» jeńildetilgen avtonesiege bólgen aqshanyń jalpy somasy – 100 mlrd teńge. Sonda kem degende 10 myń adam osy shart boiynsha nesie alady degen sóz. Eger Hyundai ai saiyn 4 myń kólik jetkize alatynyn aityp otyrsa, aldyn ala brondaý jasaǵan tutynýshylardyń bári aldaǵy 1-1,5 aida óz kólikterin alady degen sóz. Eń bastysy baibalamǵa boi aldyrmaý kerek», - dedi Anar Maqasheva brifingiden keiin BAQ ókilderiniń suraǵyna bergen jaýabynda.
