«قازاقستان اۆتوبيزنەسٸ قاۋىمداستىعى» زاڭدى تۇلعالار بٸرلەستٸگٸنٸڭ ۆيتسە-پرەزيدەنتٸ انار ماقاشەۆا 4 پايىزدىق اۆتونەسيەگە ٶتٸنٸم بەرۋشٸلەردٸڭ كەيبٸر ماركاداعى كٶلٸكتەردٸڭ تاپشىلىعى تۋرالى شاعىمى قاشان قاناعاتتاندىرىلاتىنىن ايتتى, دەپ حابارلايدى قازاقپارات.
«قازاقستاندا اي سايىن 7 مىڭ اۆتوكٶلٸك ٶندٸرٸلەدٸ. ياعني قازٸرگٸ كەزەڭدە ەلدەگٸ بٷكٸل اۆتوسالونداردا 7 مىڭ كٶلٸك بار دەپ ايتۋعا بولادى», - دەگەن قاۋىمداستىق ٶكٸلٸ 4 پايىزدىق نەسيە الۋشىلاردىڭ ٷلكەن سۇرانىسىن تۋىنداتىپ وتىرعان Hyundai ماركالى كٶلٸكتەردٸڭ ٶندٸرٸسٸ جىل ورتاسىنان باستاپ كٶبەيەتٸنٸن مەلٸم ەتتٸ.
«مىسالى, Hyundai ٶكٸلدەرٸ شٸلدە ايىنان باستاپ اي سايىن 4 مىڭداي اۆتوموبيل قولجەتٸمدٸ بولاتىنىن ايتىپ وتىر. 4 پايىزدىق اۆتونەسيە بويىنشا الساق, بٸر نەسيە الۋشىعا بەرٸلەتٸن جالپى ليميت 10 ملن تەڭگە دەپ كٶزدەلگەن. «ٶنەركەسٸپتٸ دامىتۋ قورى» جەڭٸلدەتٸلگەن اۆتونەسيەگە بٶلگەن اقشانىڭ جالپى سوماسى – 100 ملرد تەڭگە. سوندا كەم دەگەندە 10 مىڭ ادام وسى شارت بويىنشا نەسيە الادى دەگەن سٶز. ەگەر Hyundai اي سايىن 4 مىڭ كٶلٸك جەتكٸزە الاتىنىن ايتىپ وتىرسا, الدىن الا برونداۋ جاساعان تۇتىنۋشىلاردىڭ بەرٸ الداعى 1-1,5 ايدا ٶز كٶلٸكتەرٸن الادى دەگەن سٶز. ەڭ باستىسى بايبالامعا بوي الدىرماۋ كەرەك», - دەدٸ انار ماقاشەۆا بريفينگٸدەن كەيٸن باق ٶكٸلدەرٸنٸڭ سۇراعىنا بەرگەن جاۋابىندا.
