- Búgin elordadaǵy Táýelsizdik saraiynda Elbasy Nursultan Nazarbaevtyń qatysýymen Respýblikalyq jastary forýmy óz jumysyn bastady, dep habarlaidy Ult.kz tilshisi QazAqparat agenttigine silteme jasap.
Forým jumysyna qatysý úshin arnaiy kelgen Qazaqstan Prezidenti eń aldymen: «Jastarymyz baqytty bolsyn! Elimizdiń bolashaǵy sender arqyly myqty bolsyn! Qazaqstanymyz, elimiz máńgilik bolsyn!» - dep izgi tilegin jetkizdi.
Osydan keiin Astana qalalyq máslihatynyń jas depýtaty Ashat Oralov sóz alyp, búgingi kún Qazaqstan jastary úshin erekshe kún ekendigin basa aitty.
«Búgingi forýmnyń Táýelsizdiktiń 25 jyldyǵy men Qazaqstan Respýblikasy Tuńǵysh Prezidenti kúni aiasynda ótkizilýi zor mártebe. Ásirese, osy aitýly sharaǵa ózińizdiń tikelei kelip qatysýyńyz forýmnyń mańyzyn odan ary asyryp otyr. Bul sizdiń Qazaqstan jastaryna kórsetken sheksiz qamqorlyǵyńyz ben biik senimińiz dep bilemiz. Biyl elimiz úshin erekshe mereke - el Táýelsizdiginiń 25 jyldyq mereitoiy. Osy shirek ǵasyrdyń ishinde ózińizdiń dana basshylyǵyńyzben elimiz tolaǵai tabystarǵa qol jetkizdi. Sonyń ishinde ásirese jastarǵa buryn-sońdy bolmaǵan múmkindikter berilip, dańǵyl joldar ashyldy. Osy oraida ózińizge elimizdiń búkil jastarynyń kúni keshe ǵana búkil el bolyp qabyldaǵan Táýelsizdik deklaratsiiasyn jan-jaqty qyzý qoldaityndyǵyn jetkizgim keledi», - dedi ol.
Sonymen qatar ol forým jumysyna elimizdiń bilim berý, densaýlyq saqtaý, kásipkerlik, mádeniet, sport jáne qoǵamnyń basqa da salalarynan shyqqan eń belsendi jastary qatysyp otyrǵanyn aitty.
«Osy oraida forým delegattary men búkil el jastary atynan Sizge elimizdiń táýelsizdigi jolynda atqaryp kele jatqan ólsheýsiz eńbegińiz úshin alǵysymyzdy bildiremiz. Sonymen qatar búgingi QR Tuńǵysh Prezidenti kúni merekesimen ózińizdi shyn júrekten quttyqtaimyz», - dedi Oralov.
.jpeg)