- بٷگٸن ەلورداداعى تەۋەلسٸزدٸك سارايىندا ەلباسى نۇرسۇلتان نازارباەۆتىڭ قاتىسۋىمەن رەسپۋبليكالىق جاستارى فورۋمى ٶز جۇمىسىن باستادى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
فورۋم جۇمىسىنا قاتىسۋ ٷشٸن ارنايى كەلگەن قازاقستان پرەزيدەنتٸ ەڭ الدىمەن: «جاستارىمىز باقىتتى بولسىن! ەلٸمٸزدٸڭ بولاشاعى سەندەر ارقىلى مىقتى بولسىن! قازاقستانىمىز, ەلٸمٸز مەڭگٸلٸك بولسىن!» - دەپ ٸزگٸ تٸلەگٸن جەتكٸزدٸ.
وسىدان كەيٸن استانا قالالىق مەسليحاتىنىڭ جاس دەپۋتاتى اسحات ورالوۆ سٶز الىپ, بٷگٸنگٸ كٷن قازاقستان جاستارى ٷشٸن ەرەكشە كٷن ەكەندٸگٸن باسا ايتتى.
«بٷگٸنگٸ فورۋمنىڭ تەۋەلسٸزدٸكتٸڭ 25 جىلدىعى مەن قازاقستان رەسپۋبليكاسى تۇڭعىش پرەزيدەنتٸ كٷنٸ اياسىندا ٶتكٸزٸلۋٸ زور مەرتەبە. ەسٸرەسە, وسى ايتۋلى شاراعا ٶزٸڭٸزدٸڭ تٸكەلەي كەلٸپ قاتىسۋىڭىز فورۋمنىڭ ماڭىزىن ودان ارى اسىرىپ وتىر. بۇل سٸزدٸڭ قازاقستان جاستارىنا كٶرسەتكەن شەكسٸز قامقورلىعىڭىز بەن بيٸك سەنٸمٸڭٸز دەپ بٸلەمٸز. بيىل ەلٸمٸز ٷشٸن ەرەكشە مەرەكە - ەل تەۋەلسٸزدٸگٸنٸڭ 25 جىلدىق مەرەيتويى. وسى شيرەك عاسىردىڭ ٸشٸندە ٶزٸڭٸزدٸڭ دانا باسشىلىعىڭىزبەن ەلٸمٸز تولاعاي تابىستارعا قول جەتكٸزدٸ. سونىڭ ٸشٸندە ەسٸرەسە جاستارعا بۇرىن-سوڭدى بولماعان مٷمكٸندٸكتەر بەرٸلٸپ, داڭعىل جولدار اشىلدى. وسى ورايدا ٶزٸڭٸزگە ەلٸمٸزدٸڭ بٷكٸل جاستارىنىڭ كٷنٸ كەشە عانا بٷكٸل ەل بولىپ قابىلداعان تەۋەلسٸزدٸك دەكلاراتسيياسىن جان-جاقتى قىزۋ قولدايتىندىعىن جەتكٸزگٸم كەلەدٸ», - دەدٸ ول.
سونىمەن قاتار ول فورۋم جۇمىسىنا ەلٸمٸزدٸڭ بٸلٸم بەرۋ, دەنساۋلىق ساقتاۋ, كەسٸپكەرلٸك, مەدەنيەت, سپورت جەنە قوعامنىڭ باسقا دا سالالارىنان شىققان ەڭ بەلسەندٸ جاستارى قاتىسىپ وتىرعانىن ايتتى.
«وسى ورايدا فورۋم دەلەگاتتارى مەن بٷكٸل ەل جاستارى اتىنان سٸزگە ەلٸمٸزدٸڭ تەۋەلسٸزدٸگٸ جولىندا اتقارىپ كەلە جاتقان ٶلشەۋسٸز ەڭبەگٸڭٸز ٷشٸن العىسىمىزدى بٸلدٸرەمٸز. سونىمەن قاتار بٷگٸنگٸ قر تۇڭعىش پرەزيدەنتٸ كٷنٸ مەرەكەسٸمەن ٶزٸڭٸزدٸ شىن جٷرەكتەن قۇتتىقتايمىز», - دەدٸ ورالوۆ.
.jpeg)