QR Tuńǵysh Prezidenti – Elbasynyń baspasóz hatshysy Aidos Úkibai Nursultan Nazarbaevtan koronavirýs anyqtalǵanyna qatysty pikir bildirdi, dep habarlaidy "Ult aqparat".
«Ai bastalǵaly Nursultan Nazarbaevtyń jumys kestesi óte tyǵyz boldy. Elbasy ekijaqty kelissózder júrgizip, resmi tulǵalardy qabyldady.
Oǵan qosa, Tuńǵysh Prezident otandyq jáne sheteldik BAQ ókilderine suhbat berdi. Jalpy alǵanda televiziialyq túsirim úshin 40 adam jumys istedi, onyń ishinde shet eldiń azamattary da bar.
Nursultan Nazarbaevtyń jaǵdaiyn meditsina qyzmetkerleri baqylap otyr. Alańdaýǵa negiz joq. Elbasy zamanaýi kommýnikatsiia arnalaryn paidalanyp qashyqtan jumys istep jatyr.
Bekitilgen hattamaǵa sáikes, Tuńǵysh Prezidenttiń basqa tulǵalarmen bailanysy shekteldi. Elbasy qatysatyn josparlanǵan keibir is-sharalar beinekonferentsbailanys túrinde onlain rejimde ótedi.
Resmi habar taraǵan alǵashqy minýttan bastap Tuńǵysh Prezidenttiń densaýlyǵyna alańdaǵan jáne tezirek saýyǵyp ketýin tilegen azamattardan hat alyp jatyrmyz. Meniń telefonym habarlasqandar men messendjerlerden kelgen habarlamaǵa tolyp qaldy. Jýrnalister, dostar, týystar, áriptester habarlasyp Elbasyǵa kúsh-qýat pen myqty densaýlyq tilep jatyr. Olardyń qatarynda jaqyn jáne alys shetelden habarlasqandar bar. Tuńǵysh Prezidentke Memleket basshysy Qasym-Jomart Toqaev a qoldaý bildirdi, elimizdiń barlyq aimaǵynan Elbasy Keńsesine jedelhat kelip túsip jatyr.
Nursultan Nazarbaev qazaqstandyqtar men barlyq alańdap otyrǵan adamdarǵa alǵys bildiredi», - dedi Aidos Úkibai.
Elbasynyń resmi saityndaǵy habarlamalarǵa sáikes, 2 maýsymda Nazarbaev Nur Otan partiiasy tóraǵasynyń birinshi orynbasary Baýyrjan Baibekpen kezdesti.
Dál osy kúni Prezidenttiń kómekshisi - Qaýipsizdik keńesiniń hatshysy Áset Isekeshevti qabyldady, ol koronavirýs indetine qarsy is-qimyl jónindegi qaýipsizdik keńesiniń sheshimderin oryndaý barysy týraly baiandady.
3 maýsymda Nursultan Nazarbaevtyń tóraǵalyǵymen "Samuryq-Qazyna" ulttyq ál-aýqat qoryn basqarý jónindegi keńestiń otyrysy ótti.
Otyrysta Premer-ministr Asqar Mamin, "Qazaqstan temir joly" kompaniiasynyń basqarma tóraǵasy Saýat Myńbaev, "QazMunaiGaz" tóraǵasy Alik Aidarbaev, "Qazaqtelekom" tóraǵasy Qýanyshbek Esekeev, "Qazposhta" basshysy Sáken Sársenov videokonferentsiia arqyly bailanysqa shyqty.
Elbasymen bir kabinette onyń kómekshisi Daniiar Aqyshev pen "Samuryq-Qazyna" basqarmasynyń basshysy Ahmetjan Esimov boldy.
Sondai-aq, 3 maýsymda Nazarbaev Birikken Arab Ámirlikteriniń Qazaqstan Respýblikasyndaǵy tótenshe jáne ókiletti elshisi Mohammad ál-Djabermen kezdesti.
Qazaqstanda koronavirýs epidemiiasyna bailanysty engizilgen tótenshe jaǵdai rejimi kezinde jelide Nazarbaevtyń syrqaty týraly qaýeset paida boldy. Elbasy uzaq ýaqyt boiy kezdesýler ótkizbei, kópshilikke kórinbedi. Sáýir aiynda onyń baspasóz hatshysy Aidos Úkibai Tuńǵysh prezidenttiń jaǵdaiy nashar degen qaýesetti joqqa shyǵardy.
Ol qatań karantin jaǵdaiynda Elbasynyń jumys kabinetine kirýge shekteý qoiylǵanyn málimdedi.
7 sáýirde Nursultan Nazarbaevtyń úkimet basshysy Asqar Maminmen kezdesýinen foto men video jariialandy.
TJ rejimi Qazaqstanda 16 naýryzdan 11 mamyrǵa deiin jalǵasty. Osy ýaqyt aralyǵynda Elbasynyń óz keńsesinen basqa jerde kezdesý ótkizgeni jaily aqparat joq.
.jpeg)