ەلباسىنىڭ دەنساۋلىعىنا الاڭداۋعا نەگٸز جوق - ايدوس ٷكٸباي

قر تۇڭعىش پرەزيدەنتٸ – ەلباسىنىڭ باسپاسٶز حاتشىسى ايدوس ٷكٸباي نۇرسۇلتان نازارباەۆتان كوروناۆيرۋس انىقتالعانىنا قاتىستى پٸكٸر بٸلدٸردٸ, دەپ حابارلايدى "ۇلت اقپارات".

«اي باستالعالى نۇرسۇلتان نازارباەۆتىڭ جۇمىس كەستەسٸ ٶتە تىعىز بولدى. ەلباسى ەكٸجاقتى كەلٸسسٶزدەر جٷرگٸزٸپ, رەسمي تۇلعالاردى قابىلدادى. 

وعان قوسا, تۇڭعىش پرەزيدەنت وتاندىق جەنە شەتەلدٸك باق ٶكٸلدەرٸنە سۇحبات بەردٸ. جالپى العاندا تەلەۆيزييالىق تٷسٸرٸم ٷشٸن 40 ادام جۇمىس ٸستەدٸ, ونىڭ ٸشٸندە شەت ەلدٸڭ ازاماتتارى دا بار. 

نۇرسۇلتان نازارباەۆتىڭ جاعدايىن مەديتسينا قىزمەتكەرلەرٸ باقىلاپ وتىر. الاڭداۋعا نەگٸز جوق. ەلباسى زاماناۋي كوممۋنيكاتسييا ارنالارىن پايدالانىپ قاشىقتان جۇمىس ٸستەپ جاتىر. 

بەكٸتٸلگەن حاتتاماعا سەيكەس, تۇڭعىش پرەزيدەنتتٸڭ باسقا تۇلعالارمەن بايلانىسى شەكتەلدٸ. ەلباسى قاتىساتىن جوسپارلانعان كەيبٸر ٸس-شارالار بەينەكونفەرەنتسبايلانىس تٷرٸندە ونلاين رەجيمدە ٶتەدٸ.

رەسمي حابار تاراعان العاشقى مينۋتتان باستاپ تۇڭعىش پرەزيدەنتتٸڭ دەنساۋلىعىنا الاڭداعان جەنە تەزٸرەك ساۋىعىپ كەتۋٸن تٸلەگەن ازاماتتاردان حات الىپ جاتىرمىز. مەنٸڭ تەلەفونىم حابارلاسقاندار مەن مەسسەندجەرلەردەن كەلگەن حابارلاماعا تولىپ قالدى. جۋرناليستەر, دوستار, تۋىستار, ەرٸپتەستەر حابارلاسىپ ەلباسىعا كٷش-قۋات پەن مىقتى دەنساۋلىق تٸلەپ جاتىر. ولاردىڭ قاتارىندا جاقىن جەنە الىس شەتەلدەن حابارلاسقاندار بار. تۇڭعىش پرەزيدەنتكە مەملەكەت باسشىسى قاسىم-جومارت توقاەۆ ا قولداۋ بٸلدٸردٸ, ەلٸمٸزدٸڭ بارلىق ايماعىنان ەلباسى كەڭسەسٸنە جەدەلحات كەلٸپ تٷسٸپ جاتىر. 

نۇرسۇلتان نازارباەۆ قازاقستاندىقتار مەن بارلىق الاڭداپ وتىرعان ادامدارعا العىس بٸلدٸرەدٸ», - دەدٸ ايدوس ٷكٸباي.

ەلباسىنىڭ رەسمي سايتىنداعى حابارلامالارعا سەيكەس, 2 ماۋسىمدا نازارباەۆ Nur Otan پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەكپەن كەزدەستٸ.

دەل وسى كٷنٸ پرەزيدەنتتٸڭ كٶمەكشٸسٸ - قاۋٸپسٸزدٸك كەڭەسٸنٸڭ حاتشىسى ەسەت يسەكەشەۆتٸ قابىلدادى, ول كوروناۆيرۋس ٸندەتٸنە قارسى ٸس-قيمىل جٶنٸندەگٸ قاۋٸپسٸزدٸك كەڭەسٸنٸڭ شەشٸمدەرٸن ورىنداۋ بارىسى تۋرالى باياندادى.

3 ماۋسىمدا نۇرسۇلتان نازارباەۆتىڭ تٶراعالىعىمەن "سامۇرىق-قازىنا" ۇلتتىق ەل-اۋقات قورىن باسقارۋ جٶنٸندەگٸ كەڭەستٸڭ وتىرىسى ٶتتٸ.

وتىرىستا پرەمەر-مينيستر اسقار مامين, "قازاقستان تەمٸر جولى" كومپانيياسىنىڭ باسقارما تٶراعاسى ساۋات مىڭباەۆ, "قازمۇنايگاز" تٶراعاسى اليك ايدارباەۆ, "قازاقتەلەكوم" تٶراعاسى قۋانىشبەك ەسەكەەۆ, "قازپوشتا" باسشىسى سەكەن سەرسەنوۆ ۆيدەوكونفەرەنتسييا ارقىلى بايلانىسقا شىقتى.

ەلباسىمەن بٸر كابينەتتە ونىڭ كٶمەكشٸسٸ دانييار اقىشەۆ پەن "سامۇرىق-قازىنا" باسقارماسىنىڭ باسشىسى احمەتجان ەسٸموۆ بولدى.

سونداي-اق, 3 ماۋسىمدا نازارباەۆ بٸرٸككەن اراب ەمٸرلٸكتەرٸنٸڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ موحامماد ەل-دجابەرمەن كەزدەستٸ.

قازاقستاندا كوروناۆيرۋس ەپيدەميياسىنا بايلانىستى ەنگٸزٸلگەن تٶتەنشە جاعداي رەجيمٸ كەزٸندە جەلٸدە نازارباەۆتىڭ سىرقاتى تۋرالى قاۋەسەت پايدا بولدى. ەلباسى ۇزاق ۋاقىت بويى كەزدەسۋلەر ٶتكٸزبەي, كٶپشٸلٸككە كٶرٸنبەدٸ. سەۋٸر ايىندا ونىڭ باسپاسٶز حاتشىسى ايدوس ٷكٸباي تۇڭعىش پرەزيدەنتتٸڭ جاعدايى ناشار دەگەن قاۋەسەتتٸ جوققا شىعاردى.

ول قاتاڭ كارانتين جاعدايىندا ەلباسىنىڭ جۇمىس كابينەتٸنە كٸرۋگە شەكتەۋ قويىلعانىن مەلٸمدەدٸ.

7 سەۋٸردە نۇرسۇلتان نازارباەۆتىڭ ٷكٸمەت باسشىسى اسقار مامينمەن كەزدەسۋٸنەن فوتو مەن ۆيدەو جارييالاندى.

تج رەجيمٸ قازاقستاندا 16 ناۋرىزدان 11 مامىرعا دەيٸن جالعاستى. وسى ۋاقىت ارالىعىندا ەلباسىنىڭ ٶز كەڭسەسٸنەن باسقا جەردە كەزدەسۋ ٶتكٸزگەنٸ جايلى اقپارات جوق.