Qazaqstannyń Tuńǵysh Prezidenti AN-26 áskeri ushaǵynyń apatqa ushyraýynan qaza tapqandardyń týystary men jaqyndaryna kóńil aitty, dep habarlaidy Elbasy.kz.
«Almaty qalasynyń áýejaiynda ushaqtyń apatqa ushyraýy saldarynan adamdardyń qaza bolǵany týraly habardy kúizelispen qabyldadym. Qaiǵylaryńyzǵa ortaqtasa otyryp, qaza tapqan áskerilerdiń týystary men jaqyndaryna kóńil aitamyn. Zardap shekkenderdiń tezirek saýyǵyp, otbasylaryna oralýyna tilektestik bildiremin» delingen Elbasynyń jedelhatynda.
Eske sala keteiik, búgin Nur-Sultan-Almaty baǵytynda kele jatqan AN-26 áskeri ushaǵy 17.22-de radardan joǵalyp, qala áýejaiy mańynda apatqa ushyraǵan edi.
Ushaqta bolǵan 4 adam qaza tapty. 2 adam túrli jaraqatpen Almaty qalasynyń №4 qalalyq klinikalyq aýrýhanasyna jetkizildi.
