قازاقستاننىڭ تۇڭعىش پرەزيدەنتٸ ان-26 ەسكەري ۇشاعىنىڭ اپاتقا ۇشىراۋىنان قازا تاپقانداردىڭ تۋىستارى مەن جاقىندارىنا كٶڭٸل ايتتى, دەپ حابارلايدى Elbasy.kz.
«الماتى قالاسىنىڭ ەۋەجايىندا ۇشاقتىڭ اپاتقا ۇشىراۋى سالدارىنان ادامداردىڭ قازا بولعانى تۋرالى حاباردى كٷيزەلٸسپەن قابىلدادىم. قايعىلارىڭىزعا ورتاقتاسا وتىرىپ, قازا تاپقان ەسكەريلەردٸڭ تۋىستارى مەن جاقىندارىنا كٶڭٸل ايتامىن. زارداپ شەككەندەردٸڭ تەزٸرەك ساۋىعىپ, وتباسىلارىنا ورالۋىنا تٸلەكتەستٸك بٸلدٸرەمٸن» دەلٸنگەن ەلباسىنىڭ جەدەلحاتىندا.
ەسكە سالا كەتەيٸك, بٷگٸن نۇر-سۇلتان-الماتى باعىتىندا كەلە جاتقان ان-26 ەسكەري ۇشاعى 17.22-دە راداردان جوعالىپ, قالا ەۋەجايى ماڭىندا اپاتقا ۇشىراعان ەدٸ.
ۇشاقتا بولعان 4 ادام قازا تاپتى. 2 ادام تٷرلٸ جاراقاتپەن الماتى قالاسىنىڭ №4 قالالىق كلينيكالىق اۋرۋحاناسىنا جەتكٸزٸلدٸ.
