Qazaqstannyń Tuńǵysh Prezidenti – Elbasy Nursultan Nazarbaev Metallýrgterdi kásibi merekelerimen quttyqtady, dep habarlaidy Elbasynyń resmi saity.
«Qurmetti metallýrgiia salasynyń eńbekkerleri men ardagerleri!
Sizderdi kásibi merekelerińiz – Metallýrg kúnimen quttyqtaimyn!
Osy ataýly kúni biz metallýrgtarǵa – erlik pen zor qairat-jigerdi talap etetin mamandyq ielerine, ózderiniń abyroily da aýyr jumysyna berilgen eńbeksúigish jandarǵa syi-qurmet kórsetemiz.
Meniń ózim de domna peshi basyndaǵy eńbekte shyńdalyp, tájiribe jinaqtadym. Jumylǵan judyryqtai uiymshyldyqtyń, ózara kómek pen naǵyz dostyqtyń shyn baǵasyn bildim.
Metallýrgiia – qazaqstandyq ónerkásiptiń jetekshi salasynyń biri, onda myńdaǵan joǵary bilikti mamandar men basqarýshylar eńbek etedi. Olardyń qajyrly eńbegi men asqan sheberligi elimizdiń ekonomikalyq ál-aýqatynyń berik negiziniń biri bolyp otyr.
Sizder aldaǵy ýaqytta da Qazaqstannyń igiligi jolyndaǵy óz jumystaryńyzdyń barysynda kásibi jańa biikterdi baǵyndyra beresizder dep senemin.
Barshańyzǵa myqty densaýlyq, tabys, baq-bereke tileimin!»,-delingen quttyqtaýda.
Aita keteiik, Qazaqstanda metallýrgter kúni shilde aiynyń úshinshi jeksenbisinde, iaǵni osy jeksenbi atalyp ótedi.
