قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆ مەتاللۋرگتەردٸ كەسٸبي مەرەكەلەرٸمەن قۇتتىقتادى, دەپ حابارلايدى ەلباسىنىڭ رەسمي سايتى.
«قۇرمەتتٸ مەتاللۋرگييا سالاسىنىڭ ەڭبەككەرلەرٸ مەن ارداگەرلەرٸ!
سٸزدەردٸ كەسٸبي مەرەكەلەرٸڭٸز – مەتاللۋرگ كٷنٸمەن قۇتتىقتايمىن!
وسى اتاۋلى كٷنٸ بٸز مەتاللۋرگتارعا – ەرلٸك پەن زور قايرات-جٸگەردٸ تالاپ ەتەتٸن ماماندىق يەلەرٸنە, ٶزدەرٸنٸڭ ابىرويلى دا اۋىر جۇمىسىنا بەرٸلگەن ەڭبەكسٷيگٸش جاندارعا سىي-قۇرمەت كٶرسەتەمٸز.
مەنٸڭ ٶزٸم دە دومنا پەشٸ باسىنداعى ەڭبەكتە شىڭدالىپ, تەجٸريبە جيناقتادىم. جۇمىلعان جۇدىرىقتاي ۇيىمشىلدىقتىڭ, ٶزارا كٶمەك پەن ناعىز دوستىقتىڭ شىن باعاسىن بٸلدٸم.
مەتاللۋرگييا – قازاقستاندىق ٶنەركەسٸپتٸڭ جەتەكشٸ سالاسىنىڭ بٸرٸ, وندا مىڭداعان جوعارى بٸلٸكتٸ ماماندار مەن باسقارۋشىلار ەڭبەك ەتەدٸ. ولاردىڭ قاجىرلى ەڭبەگٸ مەن اسقان شەبەرلٸگٸ ەلٸمٸزدٸڭ ەكونوميكالىق ەل-اۋقاتىنىڭ بەرٸك نەگٸزٸنٸڭ بٸرٸ بولىپ وتىر.
سٸزدەر الداعى ۋاقىتتا دا قازاقستاننىڭ يگٸلٸگٸ جولىنداعى ٶز جۇمىستارىڭىزدىڭ بارىسىندا كەسٸبي جاڭا بيٸكتەردٸ باعىندىرا بەرەسٸزدەر دەپ سەنەمٸن.
بارشاڭىزعا مىقتى دەنساۋلىق, تابىس, باق-بەرەكە تٸلەيمٸن!»,-دەلٸنگەن قۇتتىقتاۋدا.
ايتا كەتەيٸك, قازاقستاندا مەتاللۋرگتەر كٷنٸ شٸلدە ايىنىڭ ٷشٸنشٸ جەكسەنبٸسٸندە, ياعني وسى جەكسەنبٸ اتالىپ ٶتەدٸ.
