Qaýip-qatermen betpe-bet kelgen Qazaqstan halqy osyndai syn saǵatta ishki birligin kórsetip, ózara janashyrlyǵyn tanytyp otyr. Shymkenttik OQMPÝ rektory, tarih ǵylymdarynyń kandidaty Gúljan Súgirbaeva Elbasy N. Nazarbaevtyń maqalasy syn saǵatta halqymyzdyń tózimi men senimin arttyrǵanyn aitady, dep habarlaidy QazAqparat.
Gúljan Dáýletbekqyzynyń aitýynsha, Qazaqstan halqy osyndai syn saǵatta moiymai, birlik pen tatýlyqtyń shynaiy úlgisin kórsetip otyr.
«Elbasy maqalasynda álem halyqtaryn ábigerge túsirgen indettiń taralýyna bailanysty jurtshylyqty sabyrǵa shaqyryp, aq tileýin jetkizdi. Qaýipti derttiń aldyn alý baǵytynda elimiz álem elderiniń ishinen alǵashqylardyń biri bolyp pármendi sharalar qabyldady. Bul óz kezeginde koronavirýs infektsiiasynyń el aýmaǵynda taralýyn qatań baqylaýda ustaýǵa múmkindik berip, otandastarymyzdyń densaýlyǵyn qorǵaý baǵytynda buryn-sońdy bolmaǵan aldyn alý keshendi is-sharalaryn utymdy uiymdastyrýǵa jaǵdai jasaldy. Qaýip-qatermen betpe-bet kelgen Qazaqstan halqy osyndai syn saǵatta ishki birligin kórsetip, ózara janashyrlyǵyn tanytyp otyr»,- deidi ýniversitet rektory.
Onyń sózine sensek, bul maqala qiyn-qystaý kezeńde halyqtyń qiyndyqtarǵa moiymai ótetinin pash etip, qalyptasyp otyrǵan jaǵdai ońai emes ekenin atap ótken.
«Elbasy osyndai syn saǵatta halqymyzdyń tózimdiligi, erik-jigeri jáne ózine degen zor senimi arqasynda mindetti túrde jeńip shyǵatynymyzdy jetkizdi. Iá, mundai qiyndyqtar rýhymyzdy shyńdaidy. Elimizde budan buryn da talai qiyndyqtar bolǵan, muny da el bolyp eńseremiz»,- deidi Gúljan Súgirbaeva.
.jpeg)