قاۋٸپ-قاتەرمەن بەتپە-بەت كەلگەن قازاقستان حالقى وسىنداي سىن ساعاتتا ٸشكٸ بٸرلٸگٸن كٶرسەتٸپ, ٶزارا جاناشىرلىعىن تانىتىپ وتىر. شىمكەنتتٸك وقمپۋ رەكتورى, تاريح عىلىمدارىنىڭ كانديداتى گٷلجان سٷگٸرباەۆا ەلباسى ن. نازارباەۆتىڭ ماقالاسى سىن ساعاتتا حالقىمىزدىڭ تٶزٸمٸ مەن سەنٸمٸن ارتتىرعانىن ايتادى, دەپ حابارلايدى قازاقپارات.
گٷلجان دەۋلەتبەكقىزىنىڭ ايتۋىنشا, قازاقستان حالقى وسىنداي سىن ساعاتتا مويىماي, بٸرلٸك پەن تاتۋلىقتىڭ شىنايى ٷلگٸسٸن كٶرسەتٸپ وتىر.
«ەلباسى ماقالاسىندا ەلەم حالىقتارىن ەبٸگەرگە تٷسٸرگەن ٸندەتتٸڭ تارالۋىنا بايلانىستى جۇرتشىلىقتى سابىرعا شاقىرىپ, اق تٸلەۋٸن جەتكٸزدٸ. قاۋٸپتٸ دەرتتٸڭ الدىن الۋ باعىتىندا ەلٸمٸز ەلەم ەلدەرٸنٸڭ ٸشٸنەن العاشقىلاردىڭ بٸرٸ بولىپ پەرمەندٸ شارالار قابىلدادى. بۇل ٶز كەزەگٸندە كوروناۆيرۋس ينفەكتسيياسىنىڭ ەل اۋماعىندا تارالۋىن قاتاڭ باقىلاۋدا ۇستاۋعا مٷمكٸندٸك بەرٸپ, وتانداستارىمىزدىڭ دەنساۋلىعىن قورعاۋ باعىتىندا بۇرىن-سوڭدى بولماعان الدىن الۋ كەشەندٸ ٸس-شارالارىن ۇتىمدى ۇيىمداستىرۋعا جاعداي جاسالدى. قاۋٸپ-قاتەرمەن بەتپە-بەت كەلگەن قازاقستان حالقى وسىنداي سىن ساعاتتا ٸشكٸ بٸرلٸگٸن كٶرسەتٸپ, ٶزارا جاناشىرلىعىن تانىتىپ وتىر»,- دەيدٸ ۋنيۆەرسيتەت رەكتورى.
ونىڭ سٶزٸنە سەنسەك, بۇل ماقالا قيىن-قىستاۋ كەزەڭدە حالىقتىڭ قيىندىقتارعا مويىماي ٶتەتٸنٸن پاش ەتٸپ, قالىپتاسىپ وتىرعان جاعداي وڭاي ەمەس ەكەنٸن اتاپ ٶتكەن.
«ەلباسى وسىنداي سىن ساعاتتا حالقىمىزدىڭ تٶزٸمدٸلٸگٸ, ەرٸك-جٸگەرٸ جەنە ٶزٸنە دەگەن زور سەنٸمٸ ارقاسىندا مٸندەتتٸ تٷردە جەڭٸپ شىعاتىنىمىزدى جەتكٸزدٸ. يە, مۇنداي قيىندىقتار رۋحىمىزدى شىڭدايدى. ەلٸمٸزدە بۇدان بۇرىن دا تالاي قيىندىقتار بولعان, مۇنى دا ەل بولىپ ەڭسەرەمٸز»,- دەيدٸ گٷلجان سٷگٸرباەۆا.
.jpeg)