Elbasy Nursultan Nazarbaev Q.Qýanyshbaev atyndaǵy Memlekettik akademiialyq qazaq mýzykalyq drama teatryna bardy. Bul týraly elbasy.kz saity habarlady.
Elbasy elordanyń jańa mádeni nysanymen tanysyp, teatrdyń shyǵarmashylyq ujymymen kezdesti.
Kezdesýde Nursultan Nazarbaev astana kóshkeli qalada qazaq drama teatryna jańa záýlim ǵimarat salyp berýdi oilastyrǵanyn atap ótti.
«Barshańyzǵa shyǵarmashylyq jetistik pen tabys tileimin. Búginnen bastap biz teatrdy ashyq dep jariialaimyz. Onyń qurylysyna «Samuryq-Qazyna» kompaniiasy arnaiy qarajat bóldi. Munda barlyq jaǵdai jasalǵan. Kórermenderdiń osy teatrǵa qýana keletinine senimdimin», – dedi Qazaqstannyń Tuńǵysh Prezidenti.
Teatrdyń jańa ǵimaraty Qazaqstannyń Tuńǵysh Prezidentiniń bastamasymen boi kóterdi. Ǵimarattyń jalpy aýdany 22 myń sharshy metrden asady. Munda 635 oryndyq úlken zal, 202 oryndyq kameralyq zal, art-galereia, meiramhana, saltanatty kezdesýler zaly ornalasqan.
