ەلباسى نۇرسۇلتان نازارباەۆ ق.قۋانىشباەۆ اتىنداعى مەملەكەتتٸك اكادەمييالىق قازاق مۋزىكالىق دراما تەاترىنا باردى. بۇل تۋرالى elbasy.kz سايتى حابارلادى.
ەلباسى ەلوردانىڭ جاڭا مەدەني نىسانىمەن تانىسىپ, تەاتردىڭ شىعارماشىلىق ۇجىمىمەن كەزدەستٸ.
كەزدەسۋدە نۇرسۇلتان نازارباەۆ استانا كٶشكەلٸ قالادا قازاق دراما تەاترىنا جاڭا زەۋلٸم عيمارات سالىپ بەرۋدٸ ويلاستىرعانىن اتاپ ٶتتٸ.
«بارشاڭىزعا شىعارماشىلىق جەتٸستٸك پەن تابىس تٸلەيمٸن. بٷگٸننەن باستاپ بٸز تەاتردى اشىق دەپ جارييالايمىز. ونىڭ قۇرىلىسىنا «سامۇرىق-قازىنا» كومپانيياسى ارنايى قاراجات بٶلدٸ. مۇندا بارلىق جاعداي جاسالعان. كٶرەرمەندەردٸڭ وسى تەاترعا قۋانا كەلەتٸنٸنە سەنٸمدٸمٸن», – دەدٸ قازاقستاننىڭ تۇڭعىش پرەزيدەنتٸ.
تەاتردىڭ جاڭا عيماراتى قازاقستاننىڭ تۇڭعىش پرەزيدەنتٸنٸڭ باستاماسىمەن بوي كٶتەردٸ. عيماراتتىڭ جالپى اۋدانى 22 مىڭ شارشى مەتردەن اسادى. مۇندا 635 ورىندىق ٷلكەن زال, 202 ورىندىق كامەرالىق زال, ارت-گالەرەيا, مەيرامحانا, سالتاناتتى كەزدەسۋلەر زالى ورنالاسقان.
