Elbasy Qorǵanys jáne aeroǵarysh ónerkásibi ministri Beibit Atamqulovty qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Qazaqstan Prezidentine ministrliktiń qazirgi qyzmeti, qorǵanysqa arnalǵan memlekettik tapsyrysty qalyptastyrý jáne aqparattyq qaýipsizdik salasynda atqarylyp jatqan jumystar, sondai-aq salany odan ári damytý josparlary jóninde baiandaldy.
Nursultan Nazarbaev ministrliktiń aldyna qoiylǵan qorǵanys ónerkásibi deńgeiin kóterý jáne ony tehnologiialyq turǵydan jańǵyrtý mindetteriniń sapaly iske asyrylýyna qatysty máselelerge nazar aýdardy.
B.Atamqulov Memleket basshysyna qorǵanysqa arnalǵan memlekettik tapsyrysty qalyptastyrýdyń qazirgi algoritmin jetildirý úderisi, sondai-aq «Qazaqstannyń kiberqalqany» tujyrymdamasyn ázirleý barysy týraly málimdedi.
Budan bólek, Qorǵanys jáne aeroǵarysh ónerkásibi ministri Elbasyǵa biyl Astana qalasyndaǵy biregei kásiporyn – ǵarysh apparattaryn qurastyrý jáne synaqtan ótkizý kesheni qurylysynyń aiaqtalatynyn habarlady. Qazaqstandyq mamandar spýtnik jasaý barysynda jobalaýdan qurastyrýǵa jáne synaq ótkizýge deiingi jumystardyń bárine qatysatyn bolady.
Qazaqstan Prezidenti kezdesý qorytyndysy boiynsha birqatar tapsyrma berdi.
