ەلباسى قورعانىس جەنە اەروعارىش ٶنەركەسٸبٸ مينيسترٸ بەيبٸت اتامقۇلوۆتى قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا قازاقستان پرەزيدەنتٸنە مينيسترلٸكتٸڭ قازٸرگٸ قىزمەتٸ, قورعانىسقا ارنالعان مەملەكەتتٸك تاپسىرىستى قالىپتاستىرۋ جەنە اقپاراتتىق قاۋٸپسٸزدٸك سالاسىندا اتقارىلىپ جاتقان جۇمىستار, سونداي-اق سالانى ودان ەرٸ دامىتۋ جوسپارلارى جٶنٸندە باياندالدى.
نۇرسۇلتان نازارباەۆ مينيسترلٸكتٸڭ الدىنا قويىلعان قورعانىس ٶنەركەسٸبٸ دەڭگەيٸن كٶتەرۋ جەنە ونى تەحنولوگييالىق تۇرعىدان جاڭعىرتۋ مٸندەتتەرٸنٸڭ ساپالى ٸسكە اسىرىلۋىنا قاتىستى مەسەلەلەرگە نازار اۋداردى.
ب.اتامقۇلوۆ مەملەكەت باسشىسىنا قورعانىسقا ارنالعان مەملەكەتتٸك تاپسىرىستى قالىپتاستىرۋدىڭ قازٸرگٸ الگوريتمٸن جەتٸلدٸرۋ ٷدەرٸسٸ, سونداي-اق «قازاقستاننىڭ كيبەرقالقانى» تۇجىرىمداماسىن ەزٸرلەۋ بارىسى تۋرالى مەلٸمدەدٸ.
بۇدان بٶلەك, قورعانىس جەنە اەروعارىش ٶنەركەسٸبٸ مينيسترٸ ەلباسىعا بيىل استانا قالاسىنداعى بٸرەگەي كەسٸپورىن – عارىش اپپاراتتارىن قۇراستىرۋ جەنە سىناقتان ٶتكٸزۋ كەشەنٸ قۇرىلىسىنىڭ اياقتالاتىنىن حابارلادى. قازاقستاندىق ماماندار سپۋتنيك جاساۋ بارىسىندا جوبالاۋدان قۇراستىرۋعا جەنە سىناق ٶتكٸزۋگە دەيٸنگٸ جۇمىستاردىڭ بەرٸنە قاتىساتىن بولادى.
قازاقستان پرەزيدەنتٸ كەزدەسۋ قورىتىندىسى بويىنشا بٸرقاتار تاپسىرما بەردٸ.
