Búgin Úkimettiń keńeitilgen májilisinde Elbasy Nursultan Nazarbaev Qarjy ministrligine memleket qarjysynyń maqsatty igerilýin baqylaýdy kúsheitýge tapsyrma berdi, dep habarlaidy QazAqparat.
«Bólingen qarjyny igerý degen termin bar. Jyl boiynda aqshany almai keledi de, jyldyń aiaǵynda Qarjy ministrligi qarjy igerilmedi dep aitpasyn dep, qarasha-jeltoqsanda qarjyny qaida bolsa da shashady. Iaǵni, tek igerildi degen qorytyndy alý úshin osyndai qadamǵa barady», - dedi Memleket basshysy QR Qarjy ministri Baqyt Sultanovqa qaratyp aitqan sózinde.
Osy oraida Prezident bul másele qadaǵalaýda bolýy tiis ekenin atap ótti.
«Qarjy igerilmegen jerde bul aqshany alyp, igerýge qaýqarly baǵyttarǵa jiberý kerek. Biýdjetti qorǵaǵan kezde árbir ministrlik túrli baǵyttarǵa qarjy surap keledi. Demek, osynyń barlyǵy negizsiz talaptar bolǵanyn bildiredi. Olardy qarjyny igerýge májbúrleýdiń qajeti joq. Kelesi jyly osy vedomstvoǵa tiisti somada qarjyny qysqartý kerek», - dep tapsyrda N. Nazarbaev.
Bul turǵyda Elbasy Qarjy ministrine memleket qarjysyn laiyqty deńgeide qorǵaýdy júktedi.
.jpeg)