بٷگٸن ٷكٸمەتتٸڭ كەڭەيتٸلگەن مەجٸلٸسٸندە ەلباسى نۇرسۇلتان نازارباەۆ قارجى مينيسترلٸگٸنە مەملەكەت قارجىسىنىڭ ماقساتتى يگەرٸلۋٸن باقىلاۋدى كٷشەيتۋگە تاپسىرما بەردٸ, دەپ حابارلايدى قازاقپارات.
«بٶلٸنگەن قارجىنى يگەرۋ دەگەن تەرمين بار. جىل بويىندا اقشانى الماي كەلەدٸ دە, جىلدىڭ اياعىندا قارجى مينيسترلٸگٸ قارجى يگەرٸلمەدٸ دەپ ايتپاسىن دەپ, قاراشا-جەلتوقساندا قارجىنى قايدا بولسا دا شاشادى. ياعني, تەك يگەرٸلدٸ دەگەن قورىتىندى الۋ ٷشٸن وسىنداي قادامعا بارادى», - دەدٸ مەملەكەت باسشىسى قر قارجى مينيسترٸ باقىت سۇلتانوۆقا قاراتىپ ايتقان سٶزٸندە.
وسى ورايدا پرەزيدەنت بۇل مەسەلە قاداعالاۋدا بولۋى تيٸس ەكەنٸن اتاپ ٶتتٸ.
«قارجى يگەرٸلمەگەن جەردە بۇل اقشانى الىپ, يگەرۋگە قاۋقارلى باعىتتارعا جٸبەرۋ كەرەك. بيۋدجەتتٸ قورعاعان كەزدە ەربٸر مينيسترلٸك تٷرلٸ باعىتتارعا قارجى سۇراپ كەلەدٸ. دەمەك, وسىنىڭ بارلىعى نەگٸزسٸز تالاپتار بولعانىن بٸلدٸرەدٸ. ولاردى قارجىنى يگەرۋگە مەجبٷرلەۋدٸڭ قاجەتٸ جوق. كەلەسٸ جىلى وسى ۆەدومستۆوعا تيٸستٸ سومادا قارجىنى قىسقارتۋ كەرەك», - دەپ تاپسىردا ن. نازارباەۆ.
بۇل تۇرعىدا ەلباسى قارجى مينيسترٸنە مەملەكەت قارجىسىن لايىقتى دەڭگەيدە قورعاۋدى جٷكتەدٸ.
.jpeg)