Astanada «EKSPO-2017» halyqaralyq kórmesiniń ashylý rásimine orai uiymdastyrylǵan otshashý qala turǵyndary men meimandardy tańǵaldyrdy, dep habarlaidy "Ult aqparat".
Shamamen 15 minýtqa sozylǵan otshashý ǵajaiyp kóriniske ainaldy. EKSPO-qalashyqqa jinalǵan qaýym buryn-sońdy mundai keremetti kórmegenin aityp jarysýda. Otshashý kezinde kórme ǵimarattary men pavilondarynda otyrǵan adamdardyń barlyǵy syrtqa shyǵyp, tamasha kórinisti jappai smartfondaryna túsire bastady.
Sonymen qatar, shoýdy 20-ǵa jýyq eldiń memleket basshylary, sheteldik delegatsiia ókilderi tamashalady.
Kórme qonaqtary sfera ústindegi tańǵaldyrarlyq sáýleler beinelegen lazerlik shoý men erekshe ot shashýdy kórdi.
Aita keteiik, «EKSPO» kórmesine 115 memleket pen 22 halyqaralyq uiym qatysady. Kórme «Bolashaq energiiasy» taqyrybyna arnalǵan. Astanada ashylǵan halyqaralyq mamandandyrylǵan kórme 10-qyrkúiekke deiin jalǵasady.
«EKSPO-2017» halyqaralyq kórmesiniń saltanatty ashylý rásiminen 1200-ge tarta otandyq jáne sheteldik jýrnalist aqparat taratyp, telearnalar tikelei kórsetilim uiymdastyrýda. Sondai-aq, Qazaqstannyń barlyq oblysynan da at aryltyp jýrnalister kelgen.
