استانادا «ەكسپو-2017» حالىقارالىق كٶرمەسٸنٸڭ اشىلۋ رەسٸمٸنە وراي ۇيىمداستىرىلعان وتشاشۋ قالا تۇرعىندارى مەن مەيمانداردى تاڭعالدىردى, دەپ حابارلايدى "ۇلت اقپارات".
شامامەن 15 مينۋتقا سوزىلعان وتشاشۋ عاجايىپ كٶرٸنٸسكە اينالدى. ەكسپو-قالاشىققا جينالعان قاۋىم بۇرىن-سوڭدى مۇنداي كەرەمەتتٸ كٶرمەگەنٸن ايتىپ جارىسۋدا. وتشاشۋ كەزٸندە كٶرمە عيماراتتارى مەن پاۆيلوندارىندا وتىرعان ادامداردىڭ بارلىعى سىرتقا شىعىپ, تاماشا كٶرٸنٸستٸ جاپپاي سمارتفوندارىنا تٷسٸرە باستادى.
سونىمەن قاتار, شوۋدى 20-عا جۋىق ەلدٸڭ مەملەكەت باسشىلارى, شەتەلدٸك دەلەگاتسييا ٶكٸلدەرٸ تاماشالادى.
كٶرمە قوناقتارى سفەرا ٷستٸندەگٸ تاڭعالدىرارلىق سەۋلەلەر بەينەلەگەن لازەرلٸك شوۋ مەن ەرەكشە وت شاشۋدى كٶردٸ.
ايتا كەتەيٸك, «ەكسپو» كٶرمەسٸنە 115 مەملەكەت پەن 22 حالىقارالىق ۇيىم قاتىسادى. كٶرمە «بولاشاق ەنەرگيياسى» تاقىرىبىنا ارنالعان. استانادا اشىلعان حالىقارالىق مامانداندىرىلعان كٶرمە 10-قىركٷيەككە دەيٸن جالعاسادى.
«ەكسپو-2017» حالىقارالىق كٶرمەسٸنٸڭ سالتاناتتى اشىلۋ رەسٸمٸنەن 1200-گە تارتا وتاندىق جەنە شەتەلدٸك جۋرناليست اقپارات تاراتىپ, تەلەارنالار تٸكەلەي كٶرسەتٸلٸم ۇيىمداستىرۋدا. سونداي-اق, قازاقستاننىڭ بارلىق وبلىسىنان دا ات ارىلتىپ جۋرناليستەر كەلگەن.
