Telejúrgizýshi Láilá Sultanqyzy uiqysyz túnderi men tynymsyz jumysy týraly jazba jariialady, dep habarlaidy ult.kz.

Ol kúndelikti mindetterin qatar alyp júrý keide adamnyń qalaýynan tys qajettilikke ainalatynyn jetkizdi.

“Bárine birdei úlgerý – keide tańdaý emes, mindet. Aǵzama myń alǵys. Uiqysyz túnder men bos ýaqytsyz kúnderge tótep berip, meni bir orynda otyrǵyzbaityn kúsh úshin”, – dep jazdy telejúrgizýshi.

Láilá Sultanqyzy osyndai qarbalas tirshilikpen júrgenine tórtinshi jyl bolǵanyn atap ótti.

“Áne-mine degenshe qarasha da bastaldy. Mindetim men qarbalas jumysym – amalsyz tańdaýǵa ainalǵanyna tórtinshi jyl. Kúsh-qýattan aiyrmasyn”, – dedi ol.

Aita keteiik, Láilá Sultanqyzy syn aitqandarǵa jaýap berdi.

Láilá Sultanqyzy kim?

Láilá Sultanqyzy Seńgirbekova – qazaqstandyq telejúrgizýshi, jýrnalist, prodiýser jáne mediamenedjer. Ol 1977 jyly Shymkent qalasynda dúniege kelgen. Ál-Farabi atyndaǵy Qazaq ulttyq ýniversitetiniń jýrnalistika fakýltetin támamdaǵan.

Eńbek jolyn 1997 jyly “Shahar” teleradiokompaniiasynda júrgizýshi bolyp bastaǵan. Keiin prodiýserlik qyzmet atqaryp, “Hit TV” telearnasyn basqarǵan. Kórermenge “Áiel baqyty” tok-shoýynyń avtory ári júrgizýshisi retinde keńinen tanyldy. 2016 jyly “Qazaqstannyń eńbek sińirgen qairatkeri” qurmetti ataǵyn alǵan.

2012–2017 jyldary “Balapan” telearnasynyń direktory qyzmetin atqarǵan. 2023 jyly Astana qalalyq máslihatynyń VIII sailanym depýtaty bolyp sailanǵan. Sonymen qatar ol – “Meniń ekinshi kitabym” eńbeginiń avtory. 2016 jyly jaryq kórgen kitapta óziniń ómirinen alynǵan áńgimeler men “Áiel baqyty” baǵdarlamasy keiipkerleriniń oqiǵalary qamtylǵan.