«EKSPO-2017» halyqaralyq mamandandyrylǵan kórmesi aýmaǵynda ornalasqan Media ortalyqqa álemniń túkpir-túkpirinen myńdaǵan BAQ ókilderi jinaldy, dep habarlaidy QazAqparat tilshisi.
Buqaralyq aqparat quraldarynyń Kórme týraly aqparat taratýyna múmkindik beretin bul ortalyqqa Qazaqstan men álemniń túrli elderinen kelgen BAQ ókilderi resmi ashylý rásimi bastalardan alty saǵat buryn, Memleket jáne Úkimet basshylarynyń Kórme aýmaǵyna kelýinen bes saǵat buryn jinaldy. QR Syrtqy ister ministrliginiń derekterine sáikes, Kórmege 17 memleket jáne úkimet basshylary keledi.
Bul ýaqytta jýrnalister jeke zattaryn jáne qural-jabdyqtaryn tekserýden ótkizip, jumys oryndaryn ázirlep jáne tikelei transliatsiiaǵa kameralaryn daiyndap úlgerýi tiis. Joǵary laýazymdy qonaqtardyń kelýine bailanysty kórme aimaǵyna kúsheitilgen qaýipsizdik rejimi ornaǵan. Saǵat 18:00-de media-ortalyqtyń esigi jabylady jáne shara aiaqtalǵansha - 23:00-ge deiin ashylmaidy. Ortalyq aýmaǵynan shyǵýǵa memleket basshylarynyń BAQ ókilderine ǵana ruqsat etilgen.
«Bul Memleket basshylary qatysatyn sharalardaǵy úirenshikti jait, - deidi «Rossiia 24» telearnasynyń júrgizýshisi Natalia Litovko. - Búgin bir emes, 17 memleket pen úkimet basshylary kele jatyr, sondyqtan mundai qaýipsizdik sharalaryna túsinistikpen qaraimyn. Mundai shekteýlerdiń bolatynyn aldyn ala bildim jáne keshe pavilondardy aralap, ózime qajet aqparattardy aldym. Sondyqtan, eshqandai qolaisyzdyq kórip turǵan joqpyn».
Reseilik telejúrgizýshiniń aitýynsha, Media ortalyqta barlyǵy joǵary deńgeide uiymdastyrylǵan. Aqparatpen jyldam bólisetin jýrnalister úshin sapaly internetke qoljetimdilik asa mańyzdy.
Baspasóz qyzmeti ókilderiniń aitýynsha, ázirge shamamen 2200-ge jýyq BAQ ókilderi akkredittelgen, olardyń 1639-y qazaqstandyq bolsa, 548-i - sheteldikter.
«Barlyq bedeldi aqparat quraldaryn shaqyrǵanbyz. BBC (Ulybritaniia), CNN (AQSh) syndy kóshbasshy arnalar keledi dep josparlanǵan. Bloomberg (AQSh), Washington Post (AQSh) ókilderi «Astana EKSPO-2017» UK» AQ uiymdastyrǵan baspasóz týryna qatysty. Olardyń barlyǵy ashylýǵa qatysady jáne erteń halyqaralyq pavilondardyń jumysy týraly habar taratady», - dedi media-ortalyq qyzmetkeri Aleksandr Semenchýk.
Atap ótken jón, búgin QazAqparat halyqaralyq aqparat agenttigi «EKSPO-2017» kórmesiniń ashylý saltanatyn tikelei efirde kórsetedi. Kórmeniń ashylý rásimi Astana ýaqytymen saǵat 20:17-de bastalady. «20:17» ýaqytyn uiymdastyrýshylar simvolikalyq túrde tańdaǵan.
