«ەكسپو-2017» حالىقارالىق مامانداندىرىلعان كٶرمەسٸ اۋماعىندا ورنالاسقان مەديا ورتالىققا ەلەمنٸڭ تٷكپٸر-تٷكپٸرٸنەن مىڭداعان باق ٶكٸلدەرٸ جينالدى, دەپ حابارلايدى قازاقپارات تٸلشٸسٸ.
بۇقارالىق اقپارات قۇرالدارىنىڭ كٶرمە تۋرالى اقپارات تاراتۋىنا مٷمكٸندٸك بەرەتٸن بۇل ورتالىققا قازاقستان مەن ەلەمنٸڭ تٷرلٸ ەلدەرٸنەن كەلگەن باق ٶكٸلدەرٸ رەسمي اشىلۋ رەسٸمٸ باستالاردان التى ساعات بۇرىن, مەملەكەت جەنە ٷكٸمەت باسشىلارىنىڭ كٶرمە اۋماعىنا كەلۋٸنەن بەس ساعات بۇرىن جينالدى. قر سىرتقى ٸستەر مينيسترلٸگٸنٸڭ دەرەكتەرٸنە سەيكەس, كٶرمەگە 17 مەملەكەت جەنە ٷكٸمەت باسشىلارى كەلەدٸ.
بۇل ۋاقىتتا جۋرناليستەر جەكە زاتتارىن جەنە قۇرال-جابدىقتارىن تەكسەرۋدەن ٶتكٸزٸپ, جۇمىس ورىندارىن ەزٸرلەپ جەنە تٸكەلەي ترانسلياتسيياعا كامەرالارىن دايىنداپ ٷلگەرۋٸ تيٸس. جوعارى لاۋازىمدى قوناقتاردىڭ كەلۋٸنە بايلانىستى كٶرمە ايماعىنا كٷشەيتٸلگەن قاۋٸپسٸزدٸك رەجيمٸ ورناعان. ساعات 18:00-دە مەديا-ورتالىقتىڭ ەسٸگٸ جابىلادى جەنە شارا اياقتالعانشا - 23:00-گە دەيٸن اشىلمايدى. ورتالىق اۋماعىنان شىعۋعا مەملەكەت باسشىلارىنىڭ باق ٶكٸلدەرٸنە عانا رۇقسات ەتٸلگەن.
«بۇل مەملەكەت باسشىلارى قاتىساتىن شارالارداعى ٷيرەنشٸكتٸ جايت, - دەيدٸ «روسسييا 24» تەلەارناسىنىڭ جٷرگٸزۋشٸسٸ ناتاليا ليتوۆكو. - بٷگٸن بٸر ەمەس, 17 مەملەكەت پەن ٷكٸمەت باسشىلارى كەلە جاتىر, سوندىقتان مۇنداي قاۋٸپسٸزدٸك شارالارىنا تٷسٸنٸستٸكپەن قارايمىن. مۇنداي شەكتەۋلەردٸڭ بولاتىنىن الدىن الا بٸلدٸم جەنە كەشە پاۆيلونداردى ارالاپ, ٶزٸمە قاجەت اقپاراتتاردى الدىم. سوندىقتان, ەشقانداي قولايسىزدىق كٶرٸپ تۇرعان جوقپىن».
رەسەيلٸك تەلەجٷرگٸزۋشٸنٸڭ ايتۋىنشا, مەديا ورتالىقتا بارلىعى جوعارى دەڭگەيدە ۇيىمداستىرىلعان. اقپاراتپەن جىلدام بٶلٸسەتٸن جۋرناليستەر ٷشٸن ساپالى ينتەرنەتكە قولجەتٸمدٸلٸك اسا ماڭىزدى.
باسپاسٶز قىزمەتٸ ٶكٸلدەرٸنٸڭ ايتۋىنشا, ەزٸرگە شامامەن 2200-گە جۋىق باق ٶكٸلدەرٸ اككرەديتتەلگەن, ولاردىڭ 1639-ى قازاقستاندىق بولسا, 548-ٸ - شەتەلدٸكتەر.
«بارلىق بەدەلدٸ اقپارات قۇرالدارىن شاقىرعانبىز. BBC (ۇلىبريتانييا), CNN (اقش) سىندى كٶشباسشى ارنالار كەلەدٸ دەپ جوسپارلانعان. Bloomberg (اقش), Washington Post (اقش) ٶكٸلدەرٸ «استانا ەكسپو-2017» ۇك» اق ۇيىمداستىرعان باسپاسٶز تۋرىنا قاتىستى. ولاردىڭ بارلىعى اشىلۋعا قاتىسادى جەنە ەرتەڭ حالىقارالىق پاۆيلونداردىڭ جۇمىسى تۋرالى حابار تاراتادى», - دەدٸ مەديا-ورتالىق قىزمەتكەرٸ الەكساندر سەمەنچۋك.
اتاپ ٶتكەن جٶن, بٷگٸن قازاقپارات حالىقارالىق اقپارات اگەنتتٸگٸ «ەكسپو-2017» كٶرمەسٸنٸڭ اشىلۋ سالتاناتىن تٸكەلەي ەفيردە كٶرسەتەدٸ. كٶرمەنٸڭ اشىلۋ رەسٸمٸ استانا ۋاقىتىمەن ساعات 20:17-دە باستالادى. «20:17» ۋاقىتىن ۇيىمداستىرۋشىلار سيمۆوليكالىق تٷردە تاڭداعان.
