Qyzylqoǵada er adam ákesine kúsh kórsetken, dep habarlaidy ult.kz.
Atyraý oblysynyń Qyzylqoǵa aýdanyna qarasty Saryózek aýylynda egde jastaǵy turǵynǵa qatysty zorlyq-zombylyq faktisi bolýy múmkin degen aqparat qoǵamda alańdaýshylyq týǵyzdy.
Jergilikti turǵyndardyń aitýynsha, aýyl turǵyny Edilhan Sisenov uzaq ýaqyt boiy óz ákesine kúsh kórsetip kelgen. Osyǵan bailanysty qart kisi qazirgi ýaqytta týǵan qaryndasynyń úiinde turyp jatyr.
Aýyl turǵyndarynyń sózinshe, egde jastaǵy azamattyń denesinde kógergen izder baiqalady. Sondai-aq onyń júrýi qiyndap, densaýlyǵynyń nasharlaǵany aitylýda.
Jaqyndarynyń málimetinshe, qart adamnyń aqyl-esi durys, óz jaǵdaiyn tolyq túsinedi. Alaida uzaq ýaqyt boiy kórgen qysym men zorlyq onyń densaýlyǵyna keri áser etken bolýy múmkin.
Ázirge bul jaǵdaiǵa qatysty quqyq qorǵaý organdary resmi túsinikteme bergen joq.
Jergilikti turǵyndar quzyrly organdardan atalǵan jaitty jan-jaqty tekserip, egde jastaǵy azamattyń quqyqtaryn qorǵaýdy surap otyr.
