قىزىلقوعادا ەر ادام ەكەسٸنە كٷش كٶرسەتكەن, دەپ حابارلايدى ult.kz.
اتىراۋ وبلىسىنىڭ قىزىلقوعا اۋدانىنا قاراستى سارىٶزەك اۋىلىندا ەگدە جاستاعى تۇرعىنعا قاتىستى زورلىق-زومبىلىق فاكتٸسٸ بولۋى مٷمكٸن دەگەن اقپارات قوعامدا الاڭداۋشىلىق تۋعىزدى.
جەرگٸلٸكتٸ تۇرعىنداردىڭ ايتۋىنشا, اۋىل تۇرعىنى ەدٸلحان سيسەنوۆ ۇزاق ۋاقىت بويى ٶز ەكەسٸنە كٷش كٶرسەتٸپ كەلگەن. وسىعان بايلانىستى قارت كٸسٸ قازٸرگٸ ۋاقىتتا تۋعان قارىنداسىنىڭ ٷيٸندە تۇرىپ جاتىر.
اۋىل تۇرعىندارىنىڭ سٶزٸنشە, ەگدە جاستاعى ازاماتتىڭ دەنەسٸندە كٶگەرگەن ٸزدەر بايقالادى. سونداي-اق ونىڭ جٷرۋٸ قيىنداپ, دەنساۋلىعىنىڭ ناشارلاعانى ايتىلۋدا.
جاقىندارىنىڭ مەلٸمەتٸنشە, قارت ادامنىڭ اقىل-ەسٸ دۇرىس, ٶز جاعدايىن تولىق تٷسٸنەدٸ. الايدا ۇزاق ۋاقىت بويى كٶرگەن قىسىم مەن زورلىق ونىڭ دەنساۋلىعىنا كەرٸ ەسەر ەتكەن بولۋى مٷمكٸن.
ەزٸرگە بۇل جاعدايعا قاتىستى قۇقىق قورعاۋ ورگاندارى رەسمي تٷسٸنٸكتەمە بەرگەن جوق.
جەرگٸلٸكتٸ تۇرعىندار قۇزىرلى ورگانداردان اتالعان جايتتى جان-جاقتى تەكسەرٸپ, ەگدە جاستاعى ازاماتتىڭ قۇقىقتارىن قورعاۋدى سۇراپ وتىر.
