Elordanyń aýdanaralyq tergeý soty burynǵy densaýlyq saqtaý ministri Eljan Birtanovty úiqamaqta ustaý merzimin 2021 jyldyń naýryz aiynyń sońyna deiin uzartty. Mundai aqparatty onyń advokaty Dmitrii Kýriachenko rastady, dep habarlaidy Sputnik Qazaqstan.
"Tergeýshiler tutqyndaýdy uzartý týraly bastama kóterdi. Sóitip 2021 jyldyń 12 aqpanynda sot merzimdi naýryzdyń sońyna deiin uzartty. Sondai-aq, men prezidenti Qasym-Jomart Toqaevqa ótinish bildirip, Birtanovtyń zańsyz qýdalanyp jatqanyna nazar aýdarýyn suradym. Biraq meniń ótinishim oǵan jetpei qala ma dep alańdaimyn", – dedi Kýriachenko.
Birtanovtyń tutqyndalýy
Eljan Birtanov 2020 jyldyń 25 maýsymynda Qazaqstannyń densaýlyq saqtaý ministri qyzmetinen ketti (ol bul qyzmetke 2017 jyldan beri atqardy). Onyń koronavirýspen aýyrýy osyndai sheshim qabyldaýyna sebep boldy.
Al qarasha aiynda burynǵy densaýlyq saqtaý ministri Eljan Birtanov biýdjet qarajatyn asa iri kólemde jymqyrdy degen kúdikpen qamaýǵa alyndy. Bul týraly qarjylyq monitoring komiteti habarlady.
Keiinirek ol úi qamaǵyna alyndy. Qańtar aiynda advokat Dmitrii Kýriachenko sot eks-ministrdiń úi qamaýyndaǵy merzimin 28 aqpanǵa deiin uzartqanyn málimdedi.
