ەلوردانىڭ اۋدانارالىق تەرگەۋ سوتى بۇرىنعى دەنساۋلىق ساقتاۋ مينيسترٸ ەلجان بٸرتانوۆتى ٷيقاماقتا ۇستاۋ مەرزٸمٸن 2021 جىلدىڭ ناۋرىز ايىنىڭ سوڭىنا دەيٸن ۇزارتتى. مۇنداي اقپاراتتى ونىڭ ادۆوكاتى دميتريي كۋرياچەنكو راستادى, دەپ حابارلايدى Sputnik قازاقستان.
"تەرگەۋشٸلەر تۇتقىنداۋدى ۇزارتۋ تۋرالى باستاما كٶتەردٸ. سٶيتٸپ 2021 جىلدىڭ 12 اقپانىندا سوت مەرزٸمدٸ ناۋرىزدىڭ سوڭىنا دەيٸن ۇزارتتى. سونداي-اق, مەن پرەزيدەنتٸ قاسىم-جومارت توقاەۆقا ٶتٸنٸش بٸلدٸرٸپ, بٸرتانوۆتىڭ زاڭسىز قۋدالانىپ جاتقانىنا نازار اۋدارۋىن سۇرادىم. بٸراق مەنٸڭ ٶتٸنٸشٸم وعان جەتپەي قالا ما دەپ الاڭدايمىن", – دەدٸ كۋرياچەنكو.
بٸرتانوۆتىڭ تۇتقىندالۋى
ەلجان بٸرتانوۆ 2020 جىلدىڭ 25 ماۋسىمىندا قازاقستاننىڭ دەنساۋلىق ساقتاۋ مينيسترٸ قىزمەتٸنەن كەتتٸ (ول بۇل قىزمەتكە 2017 جىلدان بەرٸ اتقاردى). ونىڭ كوروناۆيرۋسپەن اۋىرۋى وسىنداي شەشٸم قابىلداۋىنا سەبەپ بولدى.
ال قاراشا ايىندا بۇرىنعى دەنساۋلىق ساقتاۋ مينيسترٸ ەلجان بٸرتانوۆ بيۋدجەت قاراجاتىن اسا ٸرٸ كٶلەمدە جىمقىردى دەگەن كٷدٸكپەن قاماۋعا الىندى. بۇل تۋرالى قارجىلىق مونيتورينگ كوميتەتٸ حابارلادى.
كەيٸنٸرەك ول ٷي قاماعىنا الىندى. قاڭتار ايىندا ادۆوكات دميتريي كۋرياچەنكو سوت ەكس-مينيستردٸڭ ٷي قاماۋىنداعى مەرزٸمٸن 28 اقپانعا دەيٸن ۇزارتقانىن مەلٸمدەدٸ.
