Eýropa Keńesiniń Parlamenttik Assambleiasy (EKPA) Reseidiń Ýkrainadaǵy agressiiasynyń kúsheiýin aiyptaityn qarar qabyldady. Sondai-aq, Eýropa elderin Resei Federatsiiasyndaǵy bileýshi rejimdi «terrorist» dep tanýǵa shaqyrdy, dep jazady Ulysmedia.kz portaly Deutsche Welle-ge silteme jasap.
Qujat jobasy men usynylatyn túzetýler uiymnyń saitynda jariialanǵan. Qarardy 100 qatysýshynyń 99-y qoldady.
EKPA «Reseidiń Ýkrainaǵa basyp kirýi - Eýropaǵa Ekinshi dúniejúzilik soǵystan beri kórmegen qaiǵy-qasiret pen qiraý ákeldi» dep atap ótti.
«Agressiia jalǵasyp, zorlyq-zombylyq pen qiratýdyń jańa deńgeiine jetkende, Resei rejimi adamnyń eń qarapaiym quqyqtary men halyqaralyq quqyq negizderin buzyp, óziniń naǵyz lańkestik sipatyn rastap otyr», - delingen qararda.
Onyń sońǵy mátini áli jariialanǵan joq, biraq 11.6-tarmaqqa Reseidi «terroristik rejim» dep jariialaý týraly túzetý kópshilik daýyspen qabyldanǵany qazirdiń ózinde belgili.
Buǵan qosa, olar «buryn Ýkrainanyń jáne basqa elderdiń egemendigi men aýmaqtyq tutastyǵyna nuqsan keltiretin zańsyz sheshimderge daýys bergen reseilik saiasi partiialardy terrorizmdi nasihattaityn toptar men uiymdar retinde tanýdy» talap etetin túzetýdi qabyldady.
