ەۋروپا كەڭەسٸنٸڭ پارلامەنتتٸك اسسامبلەياسى (ەكپا) رەسەيدٸڭ ۋكرايناداعى اگرەسسيياسىنىڭ كٷشەيۋٸن ايىپتايتىن قارار قابىلدادى. سونداي-اق, ەۋروپا ەلدەرٸن رەسەي فەدەراتسيياسىنداعى بيلەۋشٸ رەجيمدٸ «تەرروريست» دەپ تانۋعا شاقىردى, دەپ جازادى Ulysmedia.kz پورتالى Deutsche Welle-گە سٸلتەمە جاساپ.
قۇجات جوباسى مەن ۇسىنىلاتىن تٷزەتۋلەر ۇيىمنىڭ سايتىندا جارييالانعان. قاراردى 100 قاتىسۋشىنىڭ 99-ى قولدادى.
ەكپا «رەسەيدٸڭ ۋكرايناعا باسىپ كٸرۋٸ - ەۋروپاعا ەكٸنشٸ دٷنيەجٷزٸلٸك سوعىستان بەرٸ كٶرمەگەن قايعى-قاسٸرەت پەن قيراۋ ەكەلدٸ» دەپ اتاپ ٶتتٸ.
«اگرەسسييا جالعاسىپ, زورلىق-زومبىلىق پەن قيراتۋدىڭ جاڭا دەڭگەيٸنە جەتكەندە, رەسەي رەجيمٸ ادامنىڭ ەڭ قاراپايىم قۇقىقتارى مەن حالىقارالىق قۇقىق نەگٸزدەرٸن بۇزىپ, ٶزٸنٸڭ ناعىز لاڭكەستٸك سيپاتىن راستاپ وتىر», - دەلٸنگەن قاراردا.
ونىڭ سوڭعى مەتٸنٸ ەلٸ جارييالانعان جوق, بٸراق 11.6-تارماققا رەسەيدٸ «تەرروريستٸك رەجيم» دەپ جارييالاۋ تۋرالى تٷزەتۋ كٶپشٸلٸك داۋىسپەن قابىلدانعانى قازٸردٸڭ ٶزٸندە بەلگٸلٸ.
بۇعان قوسا, ولار «بۇرىن ۋكراينانىڭ جەنە باسقا ەلدەردٸڭ ەگەمەندٸگٸ مەن اۋماقتىق تۇتاستىعىنا نۇقسان كەلتٸرەتٸن زاڭسىز شەشٸمدەرگە داۋىس بەرگەن رەسەيلٸك ساياسي پارتييالاردى تەرروريزمدٸ ناسيحاتتايتىن توپتار مەن ۇيىمدار رەتٸندە تانۋدى» تالاپ ەتەتٸن تٷزەتۋدٸ قابىلدادى.
