Ekologiia jáne tabiǵi resýrstar ministrligi áleýmettik jelilerde taraǵan «Ile-Balqash» memlekettik tabiǵi rezervaty aýmaǵynda tabiǵatqa jiberilgen jolbarys túsirildi» degen aqparatty joqqa shyǵardy, dep habarlaidy ult.kz.
Ministrliktiń málimetinshe, jariialanǵan fotoda jasandy intellekt (AI) kómegimen jasalǵan bolýy múmkin belgiler baiqalady. Sondyqtan atalǵan sýret shyndyqqa sáikes kelmeidi.
Vedomstvo tabiǵatqa jiberilgen jolbarys analyǵy spýtniktik GPS-baqylaý qurylǵysymen jabdyqtalǵanyn atap ótti. Rezervat mamandary onyń ornalasqan jeri men jaǵdaiyn táýlik boiy úzdiksiz baqylaýda ustap otyr. Osyǵan bailanysty janýardyń «kezdeisoq túsirilgeni» týraly aqparattyń shyndyqqa janaspaityny aityldy.
Ekologiia ministrligi azamattar men buqaralyq aqparat quraldaryn tekserilmegen aqparatty taratpaýǵa jáne tek resmi derekkózderge ǵana senýge shaqyrdy.
Sondai-aq vedomstvo Qazaqstan zańnamasyna sáikes kórineý jalǵan aqparatty, sondai-aq shyndyqqa sáikes kelmeitin foto jáne beinematerialdardy taratý jaýapkershilikke ákep soǵýy múmkin ekenin eske saldy.
Aita keteiik, Qazaqstanda 70 jyldan beri alǵash ret jolbarys tabiǵi ortaǵa jiberilgenin jazǵan edik.
