video kadrlary
Nemis politsiiasy ekobelsendi Greta Týnbergti ýaqytsha qamaýǵa aldy. Ol politsiia bólimshesinde birneshe saǵat bolǵan, - dep habarlaidy Tengrinews.kz saity.
Greta Týnberg 17 qańtarda Germaniianyń qaraýsyz qalǵan Liýttserat aýyly mańyndaǵy kómir shahtasynyń keńeiýine qarsy narazylyq aktsiiasy kezinde ustalǵan.
Týnberg pen basqa demonstranttar jeke basyn anyqtaý úshin politsiia bólimshesine jetkizilgen. Ahen politsiiasynyń ókili Dana Tsimmermannyń aitýynsha, ondaǵan adam ustalǵan, alaida olar resmi túrde qamaýǵa alynǵan joq.
Aita keteiik, Liýttserattaǵy jaǵdai qańtar basynda shielenise tústi. Germaniiadaǵy eń iri qońyr kómir kenishteriniń biri Gartsvailerdi keńeitý úshin kóshirilgen aýyldy buzý josparlanǵan bolatyn. Aýyl turǵyndary RWE kontserninen ótemaqy alyp, bul eldimekendi áldeqashan tastap ketken. Osydan keiin ol jerge ekobelsendiler óz erkimen qonystanǵan.
11 qańtarda politsiia belsendilerdi Liýttserattan qýyp, ǵimarattardy buzý operatsiiasyn bastady. Alaida belsendiler qarsylyq kórsetti. Germaniianyń túkpir-túkpirinen myńdaǵan adam aýyldaǵy narazylyq aktsiiasyna jinaldy. Tabiǵatty qorǵaýshy belsendiler kómir kenishiniń keńeiýi qorshaǵan ortaǵa ziianyn tigizip qana qoimai, klimat jónindegi Parij kelisimine qaishy keletinine senimdi.
