Foto: Azertag.az
Ázerbaijan prezidenti Ilham Áliev Aqtaý mańyndaǵy ushaq apatynan zardap shekkenderge kómek kórsetkeni úshin Qazaqstan halqyna alǵys bildirdi, dep habarlaidy Ult.kz.
Ol Ázerbaijan telearnalarynyń birine bergen suhbatynda qazaqstandyq qutqarýshylar oqiǵa ornyna jedel jetip, erlik kórsetkenin atap ótti. Oǵan qosa Áliev dárigerlerge erekshe alǵys aityp, Ázerbaijan elshiligine kelip gúl shoqtaryn qoiǵan qazaqstandyqtardyń baýyrmaldyǵyna toqtaldy.
Buǵan deiin Memleket basshysy Qasym-Jomart Toqaevpen áńgimelesý barysynda Ilham Áliev Qazaqstannyń alty azamatynyń qaza bolýyna bailanysty kóńil aitqan edi. Ol bul qaiǵyly jaǵdaidyń eki eldiń dostyǵy men baýyrlastyǵyn nyǵaitqan synaq bolǵanyn atap ótti.
«Men Prezident Qasym-Jomart Toqaevqa alǵys bildirý úshin qońyraý shaldym. Apattan keiin qazaqstandyq qutqarýshylar oqiǵa ornyna jedel jetip, qiraǵan fiýzeliajdan adamdardy qutqara bastaǵany týraly aqparat aldyq. Ushaqtyń bir bóligi órtke orandy, ot ekinshi bólikke de taralýy ábden múmkin edi. Biraq qaterge qaramastan olar naǵyz erlik kórsetti» , — dedi Ilham Áliev.
