فوتو: Azertag.az
ەزەربايجان پرەزيدەنتٸ يلحام ەليەۆ اقتاۋ ماڭىنداعى ۇشاق اپاتىنان زارداپ شەككەندەرگە كٶمەك كٶرسەتكەنٸ ٷشٸن قازاقستان حالقىنا العىس بٸلدٸردٸ, دەپ حابارلايدى Ult.kz.
ول ەزەربايجان تەلەارنالارىنىڭ بٸرٸنە بەرگەن سۇحباتىندا قازاقستاندىق قۇتقارۋشىلار وقيعا ورنىنا جەدەل جەتٸپ, ەرلٸك كٶرسەتكەنٸن اتاپ ٶتتٸ. وعان قوسا ەليەۆ دەرٸگەرلەرگە ەرەكشە العىس ايتىپ, ەزەربايجان ەلشٸلٸگٸنە كەلٸپ گٷل شوقتارىن قويعان قازاقستاندىقتاردىڭ باۋىرمالدىعىنا توقتالدى.
بۇعان دەيٸن مەملەكەت باسشىسى قاسىم-جومارت توقاەۆپەن ەڭگٸمەلەسۋ بارىسىندا يلحام ەليەۆ قازاقستاننىڭ التى ازاماتىنىڭ قازا بولۋىنا بايلانىستى كٶڭٸل ايتقان ەدٸ. ول بۇل قايعىلى جاعدايدىڭ ەكٸ ەلدٸڭ دوستىعى مەن باۋىرلاستىعىن نىعايتقان سىناق بولعانىن اتاپ ٶتتٸ.
«مەن پرەزيدەنت قاسىم-جومارت توقاەۆقا العىس بٸلدٸرۋ ٷشٸن قوڭىراۋ شالدىم. اپاتتان كەيٸن قازاقستاندىق قۇتقارۋشىلار وقيعا ورنىنا جەدەل جەتٸپ, قيراعان فيۋزەلياجدان ادامداردى قۇتقارا باستاعانى تۋرالى اقپارات الدىق. ۇشاقتىڭ بٸر بٶلٸگٸ ٶرتكە وراندى, وت ەكٸنشٸ بٶلٸككە دە تارالۋى ەبدەن مٷمكٸن ەدٸ. بٸراق قاتەرگە قاراماستان ولار ناعىز ەرلٸك كٶرسەتتٸ» , — دەدٸ يلحام ەليەۆ.
