© Sputnik / Vladislav Vodnev
Biyl elimizge 10 myńnan astam Qytai kóligi kirgen, dep habarlady "Astana" telearnasy.
Nemis, káris, japonnyń temir tulparyna qaraǵanda quny qaltaǵa qonymdy bolǵasyn ba, álde júrgizýshige jasalǵan jaǵdaidyń jaqsy bolǵanynan ba, áiteýir Qytai kóligin taqymdaityndar kóbeidi.
Biylǵy jyldyń alǵashqy eki aiynda elimizge kirgen árbir ekinshi temir tulpar Qytaidan ákelingen. Iaǵni 10 myń bir júz. Bul ótken jyldyń sáikes kezeńimen salystyrǵanda 4 myń segiz júzge kóp. Jalpy 20 myń kólik importtalǵan. 3 myń 700 AQSh-tyń, 3 myń Japoniianyń, 1600 Koreianyń kóligi kirgen.
Qytai eliniń kóligine ǵana emes, olardyń taýaryna da qyzyǵýshylyq joǵary. Arada barys-kelis, saýda-sattyq, yntymaqtastyq artty. Buǵan - eki el arasyndaǵy vizasyz rejimniń engizilýi sebep. Biyl alǵashqy toqsanda shekaradan kirip-shyqqan adam sany ótken jylmen salystyrǵanda 200%-dan asqan.
Dertine daýa izdegender, kásibimdi dóńgeletsem degen biznesmender, saiahatshylar men bilim izdegender kók pasportty kórsetip, 30 kún emin-erkin kórshi elde júre alady.
