© Sputnik / ۆلاديسلاۆ ۆودنەۆ
بيىل ەلٸمٸزگە 10 مىڭنان استام قىتاي كٶلٸگٸ كٸرگەن, دەپ حابارلادى "استانا" تەلەارناسى.
نەمٸس, كەرٸس, جاپوننىڭ تەمٸر تۇلپارىنا قاراعاندا قۇنى قالتاعا قونىمدى بولعاسىن با, ەلدە جٷرگٸزۋشٸگە جاسالعان جاعدايدىڭ جاقسى بولعانىنان با, ەيتەۋٸر قىتاي كٶلٸگٸن تاقىمدايتىندار كٶبەيدٸ.
بيىلعى جىلدىڭ العاشقى ەكٸ ايىندا ەلٸمٸزگە كٸرگەن ەربٸر ەكٸنشٸ تەمٸر تۇلپار قىتايدان ەكەلٸنگەن. ياعني 10 مىڭ بٸر جٷز. بۇل ٶتكەن جىلدىڭ سەيكەس كەزەڭٸمەن سالىستىرعاندا 4 مىڭ سەگٸز جٷزگە كٶپ. جالپى 20 مىڭ كٶلٸك يمپورتتالعان. 3 مىڭ 700 اقش-تىڭ, 3 مىڭ جاپونييانىڭ, 1600 كورەيانىڭ كٶلٸگٸ كٸرگەن.
قىتاي ەلٸنٸڭ كٶلٸگٸنە عانا ەمەس, ولاردىڭ تاۋارىنا دا قىزىعۋشىلىق جوعارى. ارادا بارىس-كەلٸس, ساۋدا-ساتتىق, ىنتىماقتاستىق ارتتى. بۇعان - ەكٸ ەل اراسىنداعى ۆيزاسىز رەجيمنٸڭ ەنگٸزٸلۋٸ سەبەپ. بيىل العاشقى توقساندا شەكارادان كٸرٸپ-شىققان ادام سانى ٶتكەن جىلمەن سالىستىرعاندا 200%-دان اسقان.
دەرتٸنە داۋا ٸزدەگەندەر, كەسٸبٸمدٸ دٶڭگەلەتسەم دەگەن بيزنەسمەندەر, ساياحاتشىلار مەن بٸلٸم ٸزدەگەندەر كٶك پاسپورتتى كٶرسەتٸپ, 30 كٷن ەمٸن-ەركٸن كٶرشٸ ەلدە جٷرە الادى.
