Aqmola oblysy aýmaǵyndaǵy avtojoldarda birneshe kólik soqtyǵysyp, 100-den astam kóliktiń keptelesi tirkeldi, dep habarlaidy QazAqparat.
Oblystyq politsiia departamenti baspasóz qyzmetiniń málimetinshe, aýa raiynyń nasharlaýyna bailanysty Aqmola oblysynda avtojoldardyń 56 ýchaskesi jabyldy. Alaida soǵan qaramastan, óńirdiń keibir avtojoldarynda iri jol-kólik oqiǵalary oryn aldy.
«Arshaly aýdany Ijevsk aýyly mańyndaǵy jol aiyryǵynyń aldynda, iaǵni Qaraǵandy qalasy baǵytyndaǵy «Ekaterinbor-Almaty» avtojolynyń 1321 shaqyrymynda jol-kólik oqiǵasy oryn aldy. Anyqtalǵandai, onda 13 avtokólik soqtyǵysty. Qazirgi ýaqytta oqiǵanyń mán-jaiy anyqtalýda. Jol apatynyń saldarynan 53 avtokóliktiń (onyń 23 júk kóligi) keptelis tirkeldi. Qazirgi ýaqytta oqiǵanyń mán-jaiy anyqtalýda», - dedi vedomstvonyń baspasóz qyzmetinen.
Vedomstvodan atap ótkendei, sol kúni Nur-Sultan qalasy baǵytyndaǵy joldyń boiynda 11 kólik soqtyǵysyp, uzyn kólik keptelisi paida boldy. Munda 24 avtokólikke mehanikalyq zaqym keldi.
«Óńirdegi avtojoldardyń jabyq ýchaskelerinde apattyq-qutqarý jumystaryna 170-ten astam tehnika jumyldyryldy. Politseiler men qutqarýshylar jáne jergilikti atqarýshy organdardyń qyzmetkerleri aýa-raiynyń jaisyzdyǵynan zardap shekken adamdarǵa kómek kórsetti», - dep tolyqtyrdy vedomstvodan.
