اقمولا وبلىسى اۋماعىنداعى اۆتوجولداردا بٸرنەشە كٶلٸك سوقتىعىسىپ, 100-دەن استام كٶلٸكتٸڭ كەپتەلەسٸ تٸركەلدٸ, دەپ حابارلايدى قازاقپارات.
وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, اۋا رايىنىڭ ناشارلاۋىنا بايلانىستى اقمولا وبلىسىندا اۆتوجولداردىڭ 56 ۋچاسكەسٸ جابىلدى. الايدا سوعان قاراماستان, ٶڭٸردٸڭ كەيبٸر اۆتوجولدارىندا ٸرٸ جول-كٶلٸك وقيعالارى ورىن الدى.
«ارشالى اۋدانى يجەۆسك اۋىلى ماڭىنداعى جول ايىرىعىنىڭ الدىندا, ياعني قاراعاندى قالاسى باعىتىنداعى «ەكاتەرينبور-الماتى» اۆتوجولىنىڭ 1321 شاقىرىمىندا جول-كٶلٸك وقيعاسى ورىن الدى. انىقتالعانداي, وندا 13 اۆتوكٶلٸك سوقتىعىستى. قازٸرگٸ ۋاقىتتا وقيعانىڭ مەن-جايى انىقتالۋدا. جول اپاتىنىڭ سالدارىنان 53 اۆتوكٶلٸكتٸڭ (ونىڭ 23 جٷك كٶلٸگٸ) كەپتەلٸس تٸركەلدٸ. قازٸرگٸ ۋاقىتتا وقيعانىڭ مەن-جايى انىقتالۋدا», - دەدٸ ۆەدومستۆونىڭ باسپاسٶز قىزمەتٸنەن.
ۆەدومستۆودان اتاپ ٶتكەندەي, سول كٷنٸ نۇر-سۇلتان قالاسى باعىتىنداعى جولدىڭ بويىندا 11 كٶلٸك سوقتىعىسىپ, ۇزىن كٶلٸك كەپتەلٸسٸ پايدا بولدى. مۇندا 24 اۆتوكٶلٸككە مەحانيكالىق زاقىم كەلدٸ.
«ٶڭٸردەگٸ اۆتوجولداردىڭ جابىق ۋچاسكەلەرٸندە اپاتتىق-قۇتقارۋ جۇمىستارىنا 170-تەن استام تەحنيكا جۇمىلدىرىلدى. پوليتسەيلەر مەن قۇتقارۋشىلار جەنە جەرگٸلٸكتٸ اتقارۋشى ورگانداردىڭ قىزمەتكەرلەرٸ اۋا-رايىنىڭ جايسىزدىعىنان زارداپ شەككەن ادامدارعا كٶمەك كٶرسەتتٸ», - دەپ تولىقتىردى ۆەدومستۆودان.
