Áleýmettik jelilerde Shymkenttegi balabaqshalardyń birinde túsirilgen shýly video tarap jatyr. Kadrlarda túski as kezindegi jaǵdai kórsetilgen. Tárbieshiler sýretke túsirgennen keiin balalardyń aldyndaǵy banandy jinap alǵan. Tekseris barysynda tárbieshiler balanyń qasyqpen urǵan, eden jýatyn shúberekpen bet-aýyzyn súrtken videodardy kórgen, dep habarlaidy ult.kz.
Jelide taraǵan beinejazbada balalardyń balabaqshada tamaqtanyp jatqany kórsetilgen. Negizgi taǵamnan keiin olarǵa banan taratylǵan. Alaida, videoǵa qarasaq, jemister tek fotoesep úshin berilgen siiaqty: sýretke túsirip bolǵannan keiin olardy balalardan qaityp jinap alǵan.
Videodan balalardyń biri banandy bergisi kelmegenin kórýge bolady. Sol kezde basqa bir bala jemisti tartyp alyp, tárbieshige aparyp bergen.
Shymkent qalalyq bilim basqarmasy bananǵa qatysty bul oqiǵanyń 2026 jyldyń aqpan aiynda bolǵanyn habarlady.
"Mekeme meńgerýshisi men qyzmetkerlerden túsinikteme alyndy. Sondai-aq videodaǵy bes qyzmetkerdiń úsheýi búginde bul mekemede jumys istemeitini anyqtaldy", – dep málimdedi basqarma.
