Reseidiń Sochi qalasynda memleket basshylarynyń qatysýymen Joǵary Eýraziialyq ekonomikalyq keńestiń (JEEK) kezekti otyrysy ótedi, dep habarlaidy «QazAqparat» HAA.
Sharaǵa Qazaqstan Prezidenti Nursultan Nazarbaev, Resei basshysy Vladimir Pýtin, Qyrǵyzstan prezidenti Sooronbai Jeenbekov, Belarýs basshysy Aleksandr Lýkashenko jáne Armeniia Premer-Ministri Nikol Pashinian qatysady.
Basqosýda Eýraziialyq ekonomikalyq odaq (EAEO) aiasyndaǵy kópbaǵytty yntymaqtastyqtyń túrli aspektileri, uiymnyń uiymdastyrý-kadrlyq baǵyttaǵy sharalary men aǵymdaǵy jumys barysy sóz bolady dep kútiledi.
QR Ulttyq ekonomika vitse-ministri Dana Júnisovanyń aitýynsha, kún tártibine 15 másele qoiylǵan. Olardyń ekeýi shaǵyn quramda qaralady.
Aita ketetin másele, basqosýdyń kún tártibindegi basty máselelerdiń biri EAEO-nyń halyqaralyq kelissózderi týraly kelisimge úshinshi eldermen, halyqaralyq uiymdarmen nemese halyqaralyq yqpaldastyq birlestikterimen qol qoiý bolyp tabylady.
Atalmysh kelisim úshinshi eldermen halyqaralyq kelisimder jasaý, olardy toqtatý jáne kúshin joiýdyń tártibin qalyptastyrady. Sondai-aq kelissóz júrgizýshi delegatsiianyń jumysy men onyń basshysynyń ókiletiligin naqtylaidy. Bul rette qujat kelissóz júrgizýshi delegatsiianyń kelissóz júrgizý pozitsiiasy men qujattardyń jobalaryn EAEO-ǵa múshe memlekettermen mindetti túrde kelisilýin qarastyrady.
Jiynda sonymen qatar, 2017 jyldyń 14 sáýirinde Bishkekte ótken JEEK qorytyndysy boiynsha, memleket bashylarynyń tapsyrmalary negizinde daiyndalǵan EAEO janyndaǵy baiqaýshy memlekettiń mártebesi týraly erejeni bekitý kózdelip otyr.
JEEK-tiń osy jolǵy otyrysy barysynda Qyrǵyzstannyń EAEO týraly Kelisimine qosylýy týraly kelisimge ózgeris engizýge qatysty eki hattamaǵa qol qoiylatyny kútiledi. Atalmysh qujattar Qyrǵyzstannyń EAEO-nyń kedendik shekarasyndaǵy ótkizý pýnktteriniń ótkizý kezeńin odaqtyń keden talaptaryna sáikestendirýde EAEO-ǵa múshe memleketterdiń arasynda kedendik tasymal bajdarynyń kólemin naqtylaý normativteriniń jańa merzimin qarastyrady.
Buǵan qosa, jiynda Armeniia men Qyrǵyzstannyń EAEO-ǵa múshe bolǵan 2 jyldaǵy jumys nátijeleri sóz bolmaq.
