رەسەيدٸڭ سوچي قالاسىندا مەملەكەت باسشىلارىنىڭ قاتىسۋىمەن جوعارى ەۋرازييالىق ەكونوميكالىق كەڭەستٸڭ (جەەك) كەزەكتٸ وتىرىسى ٶتەدٸ, دەپ حابارلايدى «قازاقپارات» حاا.
شاراعا قازاقستان پرەزيدەنتٸ نۇرسۇلتان نازارباەۆ, رەسەي باسشىسى ۆلاديمير پۋتين, قىرعىزستان پرەزيدەنتٸ سوورونباي جەەنبەكوۆ, بەلارۋس باسشىسى الەكساندر لۋكاشەنكو جەنە ارمەنييا پرەمەر-مينيسترٸ نيكول پاشينيان قاتىسادى.
باسقوسۋدا ەۋرازييالىق ەكونوميكالىق وداق (ەاەو) اياسىنداعى كٶپباعىتتى ىنتىماقتاستىقتىڭ تٷرلٸ اسپەكتٸلەرٸ, ۇيىمنىڭ ۇيىمداستىرۋ-كادرلىق باعىتتاعى شارالارى مەن اعىمداعى جۇمىس بارىسى سٶز بولادى دەپ كٷتٸلەدٸ.
قر ۇلتتىق ەكونوميكا ۆيتسە-مينيسترٸ دانا جٷنٸسوۆانىڭ ايتۋىنشا, كٷن تەرتٸبٸنە 15 مەسەلە قويىلعان. ولاردىڭ ەكەۋٸ شاعىن قۇرامدا قارالادى.
ايتا كەتەتٸن مەسەلە, باسقوسۋدىڭ كٷن تەرتٸبٸندەگٸ باستى مەسەلەلەردٸڭ بٸرٸ ەاەو-نىڭ حالىقارالىق كەلٸسسٶزدەرٸ تۋرالى كەلٸسٸمگە ٷشٸنشٸ ەلدەرمەن, حالىقارالىق ۇيىمدارمەن نەمەسە حالىقارالىق ىقپالداستىق بٸرلەستٸكتەرٸمەن قول قويۋ بولىپ تابىلادى.
اتالمىش كەلٸسٸم ٷشٸنشٸ ەلدەرمەن حالىقارالىق كەلٸسٸمدەر جاساۋ, ولاردى توقتاتۋ جەنە كٷشٸن جويۋدىڭ تەرتٸبٸن قالىپتاستىرادى. سونداي-اق كەلٸسسٶز جٷرگٸزۋشٸ دەلەگاتسييانىڭ جۇمىسى مەن ونىڭ باسشىسىنىڭ ٶكٸلەتٸلٸگٸن ناقتىلايدى. بۇل رەتتە قۇجات كەلٸسسٶز جٷرگٸزۋشٸ دەلەگاتسييانىڭ كەلٸسسٶز جٷرگٸزۋ پوزيتسيياسى مەن قۇجاتتاردىڭ جوبالارىن ەاەو-عا مٷشە مەملەكەتتەرمەن مٸندەتتٸ تٷردە كەلٸسٸلۋٸن قاراستىرادى.
جيىندا سونىمەن قاتار, 2017 جىلدىڭ 14 سەۋٸرٸندە بٸشكەكتە ٶتكەن جەەك قورىتىندىسى بويىنشا, مەملەكەت باشىلارىنىڭ تاپسىرمالارى نەگٸزٸندە دايىندالعان ەاەو جانىنداعى بايقاۋشى مەملەكەتتٸڭ مەرتەبەسٸ تۋرالى ەرەجەنٸ بەكٸتۋ كٶزدەلٸپ وتىر.
جەەك-تٸڭ وسى جولعى وتىرىسى بارىسىندا قىرعىزستاننىڭ ەاەو تۋرالى كەلٸسٸمٸنە قوسىلۋى تۋرالى كەلٸسٸمگە ٶزگەرٸس ەنگٸزۋگە قاتىستى ەكٸ حاتتاماعا قول قويىلاتىنى كٷتٸلەدٸ. اتالمىش قۇجاتتار قىرعىزستاننىڭ ەاەو-نىڭ كەدەندٸك شەكاراسىنداعى ٶتكٸزۋ پۋنكتتەرٸنٸڭ ٶتكٸزۋ كەزەڭٸن وداقتىڭ كەدەن تالاپتارىنا سەيكەستەندٸرۋدە ەاەو-عا مٷشە مەملەكەتتەردٸڭ اراسىندا كەدەندٸك تاسىمال باجدارىنىڭ كٶلەمٸن ناقتىلاۋ نورماتيۆتەرٸنٸڭ جاڭا مەرزٸمٸن قاراستىرادى.
بۇعان قوسا, جيىندا ارمەنييا مەن قىرعىزستاننىڭ ەاەو-عا مٷشە بولعان 2 جىلداعى جۇمىس نەتيجەلەرٸ سٶز بولماق.
