EAEO elderiniń eńbekshilerin zeinetaqymen qamsyzdandyrý týraly kelisim kúshine endi, dep habarlaidy "Ult aqparat" Biryńǵai jinaqtaýshy zeinetaqy qorynyń baspasóz qyzmetine silteme jasap.
Eýraziialyq ekonomikalyq komissiianyń 2019 jyly 20 jeltoqsanda Eýraziialyq ekonomikalyq odaq memleketterimen birlesip ázirlegen odaqqa múshe memleketterdiń eńbekshilerin zeinetaqymen qamsyzdandyrý týraly kelisimi 2021 jyldyń 1 qańtarynan bastap kúshine endi.
«Kelisimge sáikes eńbekshiler EAEO-ǵa múshe basqa memlekettiń aýmaǵynda eńbek nemese ózge de qyzmetti júzege asyrý arqyly zeinetaqy quqyqtary qalyptastyrylatyn ne qalyptastyrylǵan Qazaqstan, Resei Federatsiiasy, Qyrǵyzstan, Armeniia jáne Belarýs elderiniń azamattary esepteledi.
Kelisim Odaqtyń bir elinen ekinshi eline zeinetaqyny eksporttaý tártibi men tetigin aiqyndap, zeinetaqy alý quqyǵyn anyqtaý úshin EAEO memleketterindegi jumys ótilin jinaqtaýdy kózdeidi», delingen habarlamada.
Qujat boiynsha jumysshyny meditsinalyq kýálandyrý, onyń ishinde múgedektigi boiynsha zeinetaqy taǵaiyndaý barysynda syrttai meditsinalyq kýálandyrý máselesi retteldi.
«EAEO-ǵa múshe árbir memlekettiń eńbek etýshige zeinetaqynyń jumys kezeńinde jáne jumysqa ornalasqan eldegi zeinetaqy jarnalarynyń aýdarymdaryna barabar bóligin tóleitinin eskere otyryp, 1 qańtardan bastap eńbekshiler EAEO-ǵa múshe memleketterde jumys berýshilermen eńbek qatynastaryn resmi resimdeýi, iaǵni mindetti túrde eńbek nemese azamattyq-quqyqtyq shartyn ýaqytyly jasaýy qajet.
Kelisimge sáikes jinaqtaýshy zeinetaqyny, sondai-aq, múgedektigi boiynsha jáne asyraýshysynan airylý jaǵdaiy boiynsha eńbek (saqtandyrý) zeinetaqylaryn qospaǵanda, zeinetaqy alý quqyǵy eńbekkerdiń múshe memlekettiń aýmaǵynda jinaǵan keminde tolyq 12 ai jumys ótili bolǵan kezde (Kelisim kúshine engennen keiin), sol memlekettiń zańnamasyna sáikes týyndaitynyn atap ótken jón», delingen habarlamada.
Qazaqstanda kelisimdi iske asyrý jónindegi quzyretti organ BJZQ bolyp belgilengen. Soǵan sáikes qorǵa eńbekshiler qajetti keńes alý úshin, al keiinnen jumys istegen kezeńderine qatysty zeinetaqy alý quqyǵyna ie bolǵan múshe memleketterdiń quzyretti organdaryna jiberetin qujattarymen júgine alady. Qazaqstanda kelisim eńbekshilerdiń BJZQ-ǵa zeinetaqy jarnalaryn tóleý jónindegi quqyqtyq qatynastaryna qoldanylady.
«EAEO elderiniń eńbekshileri BJZQ-ǵa zeinetaqy jinaqtaryn qalyptastyrǵan jaǵdaida, eńbekshilerdiń olardy alý quqyǵy Qazaqstan zańnamasyna sáikes oryndalady:
- zeinetkerlik jasqa jetken kezde;
- eger múgedektigi merzimsiz bolyp belgilense, 1 jáne 2-toptaǵy múgedektik belgilengen kezde,
- al BJZQ-da zeinetaqy jinaqtary bar EAEO eliniń azamaty - eńbek etýshi qaitys bolǵan jaǵdaida, ony birjolǵy alý quqyǵy BJZQ-ǵa Qazaqstannyń zańnamasynda aiqyndalǵan quqyq belgileitin qujattar usynǵan kezde onyń muragerlerine kóshedi», delingen habarlamada.
Aita keterligi, EAEO-nyń biriktirilgen aqparattyq júiesi arqyly ózara tsifrlyq is-qimylǵa kóshkenge deiin taraptar qaǵaz qujat ainalymyn paidalanady.
Kelisimniń tolyq mátinimen Eýraziialyq ekonomikalyq komissiianyń saitynda tanysýǵa bolady.
